ક્રિકેટ / 2011ના વર્લ્ડ કપના હિરો યુવરાજસિંહે હાર્દિક પંડ્યાને લઇને કહી આ વાત

ભારતીય ક્રિકેટ ટીમને 2011માં વનડેમાં વર્લ્ડ ચેમ્પિયન બનાવનાર યુવરાજસિંહ માને છે કે 30 મેથી ઇંગ્લેન્ડમાં શરૂ થઇ રહેલી ચેમ્પિયનશિપમાં ઓલરાઉન્ડર હાર્દિક પંડ્યા અસાધારણ પ્રદર્શન કરશે. ટેલીવિઝન શો પર મહિલા વિરોધી ટિપ્પણી કર્યા બાદ બેનનો સામનો કરનાર હાર્દિક પંડયાને શાનદાર વાપસી કરી તથા ઇન્ડિયન ટી-20 લીગમાં સારું પ્રદર્શન કરી રહ્યા છે. યુવરાજને લાગે છે કે 50 ઓવરની ફોર્મેટમાં હાર્દિક પંડ્યાની વિસ્ફોટક બેટિંગ ભારત માટે ફાયદાકારક બની રહેશે.

યુવરાજ સિંહે કહ્યું કે 'હું જ્યારે હાર્દિક પંડ્યા સાથે વાત કરી રહ્યો હતો, ત્યારે મેં તેને પુછ્યું કે તારી પાસે વિશ્વકપમાં શાનદાર પ્રદર્શન કરવાનો મોકો છે. સ્પષ્ટ છે કે જે રીતે તે બેટિંગ કરી રહ્યો છે. તે પ્રશંસાને પાત્ર છે. અને હું આશા રાખું છું કે તે આ ફોર્મને વિશ્વકપમાં ચાલુ રાખશે. આ ઉપરાંત તે સારી બોલિંગ પણ કરી રહ્યો છે. જોકે હું આ પ્રેશરને લઇને કહી રહ્યો છું.'

વિશ્વકપને લઇને એક પ્રમોશન કાર્યક્રમમાં પહોંચેલા યુવરાજસિંહે કહ્યું કે કોલકત્તા વિરુદ્ધ 91 રનની ઇનિંગ તેની સર્વશ્રેષ્ઠ ઇનિંગ હતી. એમણે કહ્યું કે તે એવી લેન્થમાં છે જે કોઇપણ બેસ્ટમેન ઇચ્છે છે. હું તેને પ્રેક્ટિસ સેશનમાં જોવું છું. તે શ્રેષ્ઠ રીતે શોટ્સ ફટકારે છે. મેં તેને કહ્યું કે જે રીતે તે બેટિંગ કરી રહ્યો છે. તેના માટે વિશ્વકપ શાનદાર બની રહેશે. કોલકત્તા વિરુદ્ધ તેણે 34 બોલમાં 91 રન બનાવ્યા હતા. આઇપીએલમાં મારા માટે આ કદાચ સૌથી શ્રેષ્ઠ ઇનિંગમાંની એક હતી. 

વિશ્વકપ 2011માં મેન ઓફ ધ સિરીઝ રહેલા યુવરાજ સિંહે વિરાટ કોહલીની આગેવાનીમાં ભારતીય ટીમ ઉપરાંત ઇંગ્લેન્ડ અને ઓસ્ટ્રેલિયાને વિશ્વકપમાં સારા પ્રદર્શન કરતી ટીમ બતાવી. એમણે વધુમાં જણાવ્યું કે, મને લાગે છે કે ઇંગ્લેન્ડ અને ભારત જીતના પ્રબળ દાવેદાર છે. ડેવિડ વોર્નર અને સ્ટીવ સ્મિથના આવવાથી ઓસ્ટ્રેલિયા ફેવરિટ કહી શકાય. વેસ્ટઇન્ડિઝ પાસે પણ શાનદાર ટીમ છે.
બેટિંગની સાથે 2011માં વિશ્વકપમાં ડાબા હાથની સ્પિન બોલિંગ કરનાર યુવરાજ સિંહે કહ્યું કે કુલદીપ યાદવ પણ વિશ્વકપમાં સારું પ્રદર્શન કરશે. તેમણે કહ્યું કે મેં ટી20 ને ધ્યાનમાં લેતા 50 ઓવરની ક્રિકેટને જોઇ રહ્યો નથી. મને લાગે છે કે કુલદીપ ભારત માટે શાનદાર બોલર છે અને તે જલ્દી વાપસી કરશે. કુલદીપે ઇંગ્લેન્ડ, દક્ષિણ આફ્રિકા, ઓસ્ટ્રેલિયામાં શાનદાર પ્રદર્શન કર્યું છે.