સુરત / રોડના રાજકારણની મૌસમઃ ચોમાસાને બહાને કરોડના ટેન્ડર પાસ કરાય પણ હાલાકી જેમની તેમ

• મનપા દ્વારા ટેન્ડરોની જોગવાઇમાં કરાયા ફેરફારો
• રસ્તા રિકાર્પેટ કરતી એજન્સીએ 3 વર્ષ કરશે જાળવણી
• ફરજિયાત 3 વર્ષ સુધી જાળવણી માટે ટેન્ડરમાં ફેરફાર

સુરતમાં ચોમાસામાં રસ્તાઓની હાલત ખરાબ થઇ જાય છે. જેને લઇ સ્થાનિકોને મુશ્કેલીઓનો સામનો કરવો પડે છે. તો અકસ્માતોની પણ સમસ્યા સામે આવે છે. ત્યારે ખરાબ રસ્તાઓને લઇ સુરત મનપા હરકતમાં આવી છે. મનપા હરકતમાં આવવું પડ્યુ છે કારણ કે કરોડોનો ટેક્સ અને હવે તો ટ્રાફિકના દંડમાં વધારાને પગલે રોડ રસ્તા પણ એટલા સરસ બનાવી આપવા પડશે ને? ત્યારે ટેન્ડરમાં નવી જોગવાઈ તો ઉમેરવામાં આવી છે પણ તે પૂરી થશે કે કેમ તેતો અધ્ધરતાલ છે. 

રસ્તા રિકાર્પેટ કરતી એજન્સીએ 3 વર્ષ કરશે જાળવણી

સુરત મનપા દ્વારા ટેન્ડરોની જોગવાઇમાં ફેરફારો કરાયા છે. જેમાં રસ્તા રિકાર્પેટ કરતી એજન્સી 3 વર્ષ જાળવણી કરશે. અને નવા માર્ગ માટે 5 વર્ષ મેઇન્ટેન કરવાની પણ શરત છે. 

280 રસ્તા બનાવવા માટે ટેન્ડર મગાવી દેવાયા

સુરત મનપા કમિશનરે 200 કરોડના ખર્ચે નવા રસ્તા બનાવાની મંજૂરી સ્ટેન્ડિંગ કમિટીમાં માગી છે. હાલ સુરત મનપા દ્વારા શહેરના 280 રસ્તા બનાવવા માટે ટેન્ડર મગાવી દેવાયા છે જેમાં 10 જેટલી એજન્સીઓએ પણ ભાવ ભર્યા છે.