દિલ્હીના એક મહાઠગે જેલમાં બેઠાબેઠા 200 કરોડની છેતરપિંડી આચરી હોવાનું સામે આવ્યું છે. છેતરપીડિ જે રીતે તેણે આચરી છે તે રીત જાણીને તમારા પણ હોશ ઉડી જશે
ફિલ્મી ઢબે આચરી 200 કરોડની છેતરપિંડી
ફરજી અધિકારી બનીને કરી ઠગાઈ
છેતરપિંડી આચરી પીડિત મહિલાને આપતા હતા ધાક ધમકી
દિલ્હી પોલીસે 7 ઓગસ્ટના રોજ સુકેશ ચંદ્રશેખર નામના આરોપીની ઘણીબધી કલમો હેઠળ કેસ દાખલ કર્યો હતો. આરોપી સુકેશ પ્રધાનમંત્રી કાર્યાલય અને ગૃહમંત્રી કાર્યાલયનો ફરજી અધિકારી બનીને એક મહિલા સાથે વાત કરતો હતો. આપને જાણીને નવાઈ લાગશે આ આરોપીએ જેલમાં બેઠા બેઠા 200 કરોડની છેતરપિંડી આચરી હતી.
ફરજી ઓફિસર બની ઠગાઈ આચરી
આ છેતરપિંડીને અંજામ પણ તેણે ફરજી ઓફિસર બનીને આપ્યો હતો. આરોપીની સામે રનબેક્સીની પૂર્વ પ્રમોટર શિવેદ્ન મોહન સિંહની પત્ની અદિતિ સિંહે કેસ દાખલ કર્યો હતો. જેમા તેણે એવી કબૂલાત આપી કે આરોપી 2019થી જેલમાં બંગ છે. પરંતુ તેણે 2020 અને 2021માં તેની પાસેથી જબરદસ્તી 200 કરોડ વસૂલ્યા હતા.
મંત્રાલય માંથી ફોન કર્યો હોવાનું જણાવ્યું
આ સમગ્ર મામલે જો વિગતવાર વાત કરીએ તો પીડિત મહિલા અદિતી સિંહને એક મહિલાનો ફોન આવ્યો હતો. જે મહિલાએ તેને કહ્યું કે કાનૂન મંત્રાલયના સચિવ અનૂપ કુમાર તમારી સાથે વાત કરશે. બાદમાં આરોપીએ અનુપ કુમાર બનીને અદિતી સિંહ સાથે વાત કરી અને કહ્યું કે અમને ઉપરથી ઓર્ડર તમારી મદદ કરવાના ઓર્ડર મળ્યા છે.
સરકાર મદદ કરવા ઈચ્છે છે તેવો ઉલ્લેખ
સાથેજ આરોપીએ તેને એવું પણ કહ્યું હતું કે સરકાર ઈચ્છે છે કે તમે અમારી સાથે કામ કરો કારણકે તમારા પતિ પણ હેલ્થ સેક્ટરમાં રહી ચુક્યા છે. ત્યારબાદ અન્ય એક શખ્સનો તે મહિલા પર ફોન ગયો જેણે એવું કહ્યું કે હુ સ્પીકર પર તમારી સાથે વાત કરી રહ્યો છું મારી સાથે ગૃહમંત્રી અમિતશાહ બેઠા છે.
મહિલાને દસ્તાવેજો મોકલવા આદેશ આપ્યો
પીડિત મહિલાએ ટ્રુ કોલર પર તે નંબર જોયો તો તે નંબર તેને પ્રધાનમંત્રી ઓફિસના સલાહકાર પીકે મીશ્રાનો બતાવી રહ્યો હતો. બાદમાં તેણે કહ્યું કે તમે મારા જૂનિયરના અભિયનના ટચમાં રહો અને તમારા પતિના કેસ સાથે જોડાયેલા બધાજ દસ્તાવેજો જલ્દી મોકલજો. જેથી તેઓ જેલમાંથી જલ્દી છૂટી શકે.
લેન્ડલાઈન પર વાત કરવાની આપી સલાહ
બાદમાં અભિયન નામના શખ્સે મહિલાનો ટેલીગ્રામ પર સંપર્ક કર્યો અને કહ્યું કે સરકાર તમારી પુરી રીતે મદદ કરશે. પરંતુ તેણે એવું પણ કીધું કે તે આ વાત કોઈને ન કહે કારણકે ખાનગી એજન્સીઓ આ મુદ્દે કામ કરી રહી છે. જેથી તેણે લેન્ડલાઈન પર વાત કરવાનું જણાવ્યું. સમગ્ર મામલે અભિનવે એવું પણ કહ્યું કે દેશના ઘણા મોટા કારોબારીઓ આ રીતે તેમની પ્રોટેકશનમાં છે.
સૌથી પહેલા 20 કરોડની માગ કરી
ધીરેધીરે આરોપીઓએ પીડિત મહિલાનો વિશ્વાસ જિત્યો. શરૂઆતમાં તેમણે રૂપિયા ન માગ્યા પરંતુ એક દિવસ અનૂપનો ફોન આવ્યો અને તેણે મહિલાને 20 કરોડ જમા કરાવાની માગ કરી હતી. સાથેજ તેણે કહ્યું કે તમારે રવિશંકર પ્રસાદ અથવા અમિત શાહને પાર્ટી ઓફિસમાં અથવાતો નોર્થ બ્લોકમાં મળવું પડશે.
બાદમાં ફરી 30 કરોડની માગ કરી
મહિલાને પહેલા તે રૂપિયા વિદેશ મોકવાનું કહેવામાં આવ્યું. પરંતુ બાદમાં રોહિત નામનો એક યુવક તેની પાસે સિડાન કાર લઈને આવે છે. જે ટુકડે ટુકડે તેની પાસેથી 20 કરોડ રૂપિયા લઈ જાય છે. બાદમાં અનૂપે પીડિત મહિલાને કહ્યું કે પાર્ટી તામારાથી ખુશ છે અને તેની પાસેખી ફરી 30 કરોડ રૂપિયા માગ્યા હતા.
ટુકડે ટુકડે 30 વારમાં 200 કરોડ લીધા
મહિલાએ FIRમાં એ વાતનો ઉલ્લેખ કર્યો છે કે આરોપીએ તેને ધમકી આપતા હતા. જેથી તેણે પોતાના દાગીનાથી લઈને બધુંજ વેચી કાઢ્યું અને ટુકડે ટુકડે આરોપીઓને 200 કરોડ આપ્યા હતા. બાદમાં આરોપીએ તેને ધમકી આપતા હતા. સાતે વિદેશમાં ભણતા તેના છોકરાઓને પણ જોઈ લેશે તેવી વાત કરતા હતા.
મહિલા પરિવાર સાથે આરોપીઓ વાતો કરતા હતા
બાદમાં આરોપીઓ મહિલાના પરિવાર સાથે પણ ટેલીગ્રામ પર વાત કરવા લાગ્યા હતા. એક દિવસ તેને અનૂપનો ફોન આવ્યો અને કહ્યું કે ગૃહ સચિન અજય ભલ્લા તેમની સાથે વાત કરવા માગે છે. સાથેજ તેણે કહ્યું તમારા પતિ સાથે તમને જલ્દી મળાવીશું.
આરોપીઓનો બોલવાનો ટોન દક્ષિણ ભારતનો
જોકે સમગ્ર મામલે મહિલાએ એ વાતની ખાસ નોંધ લીધી કે આરોપીઓ ટોન દક્ષિણ ભારતના રહેવાસી જેવો હતો. મહિલાનું કહેવું છે કે આરોપીઓ તેની પાસેથી સ્ટેટ ઈલેકશનના નામે પણ રૂપિયા લીધા હતા. આ સીવાય તેણે કુલ 30 વખતમાં ટુકડે ટુકડે આરોપીઓને 200 કરોડ રૂપિયા આપ્યા હતા.
આરોપીઓની પૂછપરછમાં અન્ય ખુલાસા થાય તેવી શક્યતા
ઉલ્લેખનીય છે કે સમગ્ર મામલે EOWના અધિકારીઓએ મહાઠગ સુકેશ ચંદ્રશેખર અને તેની પત્નીને ઝડપી પાડી છે. જેમની તેઓ પૂછપરછ કરી રહ્યા છે. આ આરોપીઓની પૂછપરછમાં અન્ય ખુલાસાઓ પણ સામે આવે તેવી શક્યતા સેવાઈ રહી છે.