સોલા સિવિલ હોસ્પિટલના વર્ગ-4ના 200 જેટલા કર્મચારીઓ હડતાળ પર ઉતરી ગયા છે, પોલીસે બે શકમંદ વ્યક્તિઓની અટકાયત કરતા મામલો વધુ વકર્યો છે.
સોલા સિવિલના કર્મીઓ હડતાલ પર
વર્ગ 4ના 200 જેટલા કર્મીઓ હડતાલ પર
ઓક્સિજનની પાઇપો ચોરીનો વિવાદ વકર્યો
અમદાવાદમાં સોલા સિવિલ હોસ્પિટલમાં ઓક્સિજનની પાઇપો ચોરીનો વિવાદ વકર્યો છે. સોલા સિવિલ હોસ્પિટલના વર્ગ-4ના 200 જેટલા કર્મચારીઓ હડતાળ પર ઉતરી ગયા છે. પોલીસે બે શકમંદ વ્યક્તિઓની અટકાયત કરતા મામલો વધુ વકર્યો છે. પોલીસે કર્મચારીઓ પર ચોરીનો ખોટો આરોપ મુકીને માર માર્યો હોવાના આક્ષેપ સાથે કર્મચારીઓએ વિરોધ કર્યો હતો. અમદાવાદ પોલીસ વિરુદ્ધ સૂત્રોચ્ચાર કરીને ન્યાય નહીં મળે ત્યાં સુધી કામથી અળગા રહેવાનો નિર્ણય કર્યો છે.
તો બીજી તરફ પોલીસ રટણ કરી રહી છે કે CCTV ફૂટેજમાં જે વ્યક્તિઓ દેખાય છે. તે જ શકમંદ વ્યક્તિઓ છે .પરંતુ તે લોકો તેમના નિવેદનો બદલી રહ્યા છે. આપને જણાવી દઈએ કે, અંદાજે પાંચ લાખ રૂપિયાના કોપરના વાયરોની ચોરી થઇ હોવાની ફરિયાદ સોલા સિવિલ હોસ્પિટલના RMO દ્વારા કરવામાં આવી છે.