ભારતમાં કોરોના વાયરસના નવા સ્ટ્રેનના કારણે અફરાતફરી જોવા મળી રહી છે કારણ કે સતત કેસ વધી રહ્યા છે અને ઘણા બધા મુસાફરોની હજુ સુધી જાણ જ નથી થઈ શકી.
યુકેથી આવેલા 20 લોકોમાં કોરોના વાયરસનો નવો સ્ટ્રેન
અત્યાર સુધી 114 કોરોના પોઝિટિવ થયા છે
દિલ્હીથી ભાગેલી મહિલા પણ કોરોના પોઝિટિવ
ભારતમાં કોરોના વાયરસના નવા સ્ટ્રેનનો પગપેસારો
ભારતમાં કોરોના વાયરસના નવા સ્ટ્રેનના કારણે હાહાકાર જોવા મળી રહ્યો છે. ગઇકાલે જ્યાં સૌથી પહેલા છ લોકોમાં કોરોના વાયરસના નવા સ્ટ્રેનના લક્ષણો જોવા માહ્યા હતા ત્યારે આજે તે સંખ્યા વધીને 20 થઈ ગઈ છે. નોંધનીય છે કે યુકેના કોરોના વાયરસના નવા સ્ટ્રેનના કારણએ હાહાકાર જોવા મળી રહ્યો છે જે બાદ ઘણા બધા દેશોએ ભારતે પણ યુકેની ફ્લાઇટ પર રોક લગાવી હતી.
#COVID19: Total 20 UK returnees to India have tested positive for the new COVID strain so far
યુકે પરત આવેલા લોકોની હવે તપાસ કરવામાં આવી રહી છે જેમાંથી ઘણા બધા કોરોના પોઝિટિવ પણ મળી આવ્યા છે. મંગળવારે બે વર્ષની દીકરીમાં કોરોના વાયરસના નવો સ્ટ્રેન મળી આવ્યો છે છે તેના માતા પિતા પણ પોઝિટિવ થાય છે.
સરકારે કહ્યું ગભરાશો નહીં
જોકે ગતરોજ સ્વાસ્થ્ય મંત્રાલય દ્વારા કહેવામાં આવ્યું છે કે કોરોના વાયરસની જે વેક્સિન છે તે આ નવા સ્ટ્રેન પર કામ કરે છે અને તેથી ગભરાવવાની જરૂર નથી. ભારતમાં થોડા દિવસોમાં ત્રીસ હજાર લોકો યુકેથી આવ્યા છે તે બધાના હવે કોરોના ટેસ્ટ કરાઇ રહ્યા છે. જેમાંથી ઘણા બધા કોરોના પોઝિટિવ થયા છે.
ભાગેલી મહિલા પોઝિટિવ
નોંધનીય છે કે કોરોના વાયરસના નવા સ્ટ્રેનને લઈને ઘણા બધા લોકો બેદરકારી ભર્યું વર્તન કરી રહ્યા છે. જે નવા કેસ સામે આવ્યા છે તેમાં આંધ્રપ્રદેશની એક મહિલા પણ છે જે દિલ્હી એરપોર્ટથી ભાગી ગઈ હતી. આ મહિલા 22મી ડિસેમ્બરે દિલ્હીથી ટ્રેનમાં બેસી અને ફોન બંધ કરી દીધો. તે બાદ તે 24મી તારીખે પોતાના ઘરે પહોંચી અને તે બાદ તે પકડાઈ હતી. પોલીસ મહિલા વિરુદ્ધ ફરિયાદ દાખલ કરી છે. હવે અધિકારીઓ માત્ર આશા રાખી રહ્યા છે કે 1800 કિમીની યાત્રા માં તે કોઈના સંપર્કમાં ન આવી હોય તો સારું.
આ મહિલાના વર્તનના કારણે હવે રાજ્ય સરકાર હાઇઅલર્ટ થઈ ગઈ છે. અને રાજ્યભરમાં યુકેથી આવેલા લોકોને ટ્રેસ કરવામાં આવી રહ્યા છે.
પૂણેમાં ઘણા બધા લોકો મળતા જ નથી
નોંધનીય છે કે પૂણેમાં છેલ્લા 15 દિવસમાં યુકેથી પાછા આવેલા 109 લોકોની કોઈ ભાળ જ નથી મળી રહી. ઘણા બધા યાત્રિકો ફોન જ નથી ઉપાડી રહ્યા. જે બાદ હવે પોલીસની મદદ લેવામાં આવી રહી છે. અધિકારીઓ કહી રહ્યા છે કે ઘણા બધા મુંબઈમાં જ લેન્ડ થયા અને તે બાદ બાયરોડ પૂણે આવ્યા છે જેના કારણે તેમને ટ્રેસ કરવામાં મુશ્કેલીનો સામનો કરવો પડી રહ્યો છે.