સુરતના ચોકબજાર વિસ્તારમાં લૂંટની મોટી ઘટના સામે આવી છે. ચોકબજારમાં આવેલ SBI બેંકની બહાર રિક્ષામાં આવેલાં કેટલાક લૂંટારાઓ 20 લાખ રૂપિયા લૂંટીને ફરાર થઈ ગયા હતા. નોંધનીય છે કે, બેંકમાં રૂપિયા લાવવા-લઈ જવાનું કામ કરતી કંપનીની કારમાંથી 20 લાખ રૂપિયા ભરેલી બેગની લૂંટ ચલાવવામાં આવી હતી.
સુરતના ચોક બજારમાં ધોળા-દિવસે લૂંટ
20 લાખ ભરેલી બેગ લઇ અજાણ્યા શખ્સો ફરાર
સમગ્ર ઘટના CCTV માં કેદ
બેંકમાં પૈસાની હેર-ફેર કરતી કારમાંથી કરાઇ લૂંટ
લૂંટની આ ઘટનાને પગલે આસપાસના વિસ્તારમાં ચકચાર મચી જવા પામી હતી. ઉલ્લેખનીય છે કે, એસબીઆઈ બેંક બહાર રૂપિયાની હેરફેર કરતી કંપનીની કાર ઉભી હતી. ત્યારે રિક્ષામાં કેટલાક અજાણ્યા શખ્સોએ ધસી આવ્યા હતા અને હુમલો કરીને કારમાં રહેલી 20 લાખ રૂપિયા ભરેલી બેગની લૂંટ ચલાવીને બેગ લઈને ફરાર થઈ ગયા હતા.
સમગ્ર ઘટના CCTV માં કેદ
લૂંટની ઘટના અંગેની જાણકારી નજીકના પોલીસ મથકે થતાં જ પોલીસ કાફલો ઘટના સ્થળે દોડી આવ્યા હતા. આ સાથે જ ક્રાઈમ બ્રાન્ચ, એફએસએલ, ડોગ સ્કવોર્ડની ટીમ પણ તપાસમાં જોડાઈ છે. આ સાથે જ પોલીસે આસપાસ રહેલા CCTV ની તપાસ હાથ ધરી હતી. જો કે, સમગ્ર ઘટના CCTV માં કેદ થઇ જતાં સુરત પોલીસે લૂંટ ચલાવનારાઓને ઝડપી લેવા તજવીજ હાથ ધરી હતી.