BIG NEWS / આ દેશમાં બેદરકારીને કારણે કોરોના સંક્રમણ બેકાબૂ, તાબડતોબ 20 દિવસનું લોકડાઉન સરકારે જાહેર કર્યું

• ઓસ્ટ્રિયામાં કોરોના સંક્રમણ બેકાબૂ 
• સંક્રમણ બેકાબૂ થતા 20 દિવસનું લોકડાઉન 
• આગામી 13 ડિસેમ્બર સુધી લોકડાઉન રહેશે 

ઓસ્ટ્રિયામાં કોરોના વાયરસના સંક્રમણને લઈને લોકોમાં ભયનો માહોલ ફેલાયો છે. જેના કારણે આજથી અહીયા લોકડાઉન લગાવી દેવામાં આવ્યું માત્ર ઓસ્ટ્રિયાજ નહી પરંતુ પુરોપના ઘણા દેશોમાં કોરોનાના કેસ સતત વધી રહ્યા જેના કારણે અહીયાના જનજીવનમાં ભારે અસર થઈ છે. સાથેજ અર્થવ્યવસ્થાને પણ ભારે અસર થઈ રહી છે. 

10 દિવસ પછી કોરોનાનું નિરીક્ષણ કરાશે 

જે લોકડાઉન લગાવામાં આવ્યું છે તે લોકડાઉન અંદાજે 20 દિવસ સુધી અહીયા યથાવત રહેશે. જોકે 10 દિવસ પછી તેનો રિવ્યુ પણ કરવામાં આવશે. લોકો કોઈ પણ હિસાબે બહાર ન નીકળે તેને લઈને પુરતુ ધ્યાન રાખવામાં આવશે. તમામ રેસ્ટોરન્ટ અને દુકાનો બંધ કરાવી દેવામાં આવ્યા છે. સાથેજ મોટા કાર્યક્રમો પર અહીયાની સરકારે રદ કરવા આદેશ આપ્યા છે. 

લોકોને તેમની બેદરાકારી ભારે પડી 

આપને જણાવી દઈએ કે ઓસ્ટ્રિયામાં આ લોકડાઉન 13 તારીખે હટાવામાં આવી શકે છે. જોકે તે લોકો માટે પ્રતિબંધ યથાવત રહેશે જે લોકોનું હજું વેક્સિનેશન નથી કરવામાં આવ્યું. અહીયા ક્રિસમસની ખરીદી કરવા માટે લોકો મોટા પ્રમાણમાં એકઠા થયા હતા. જેને લઈને હવે તેમને ઘરે રહેવાનો વારો આવ્યો છે. કારણકે લોકોની જે ભીડ ઉમટી હતી તેના કારણે હવે અહીયા સંક્રમણ કાબૂની બહાર જતું રહ્યું. 

ફેબ્રુઆરી સુધીમાં 100 ટકા વેક્સિનનો ટાર્ગેટ 

ઉલ્લેખનીય છે સંક્રમણને ધ્યાનમાં રાખીને સરકારે હવે ફેબ્રુઆરી સુધીમાં અહીયા 100 ટકા વેક્સિનેશનનો ટાર્ગેટ રાખ્યો છે. જોકે તહેવાર મનાવા માટે લોકોએ બેદરાકરી દાખવી જેના કારણે અહીયા પરિસ્થિતી વણસી હતી. જોકે આ લોકડાઉનને કારણે સૌથી વધારે નુકશાન સ્થાનિક વેપારીઓને થયું છે.