ઈડીએ પશ્ચિમ બંગાળ સરકારમાં મંત્રી પાર્થ ચેટર્જીના નજીકના સહયોગી અર્પિતા મુખર્જીના ઘરે દરોડા પાડ્યા છે. ઘણા કલાકો સુધી ચાલેલા આ દરોડામાં 20 કરોડ મળી આવ્યા હતા.
અર્પિતા મુખર્જીના ઘરે ઈડીએ દરોડા પાડ્યા
તેના ઘરેથી ટોટલ 20 કરોડ રોકડ રકમ મળી આવી
મંત્રી પાર્થ ચેટર્જીના ઘરે પણ ED ની તપાસ ચાલુ
પશ્ચિમ બંગાળ સરકારમાં મંત્રી પાર્થ ચેટર્જીના નજીકના સહયોગી અર્પિતા મુખર્જીના ઘરે ઈડીએ દરોડા પાડ્યા છે. ઘણા કલાકો સુધી ચાલેલા આ દરોડામાં ઈડીએ લગભગ 20 કરોડ રૂપિયાની રોકડ જપ્ત કરી છે. સામે આવેલી આ કાર્યવાહીની તસવીરમાં નોટોનો મોટો પહાડ જોવા મળી રહ્યો છે.
બંગાળ શિક્ષણ ભરતી કૌભાંડ
જાણકારી માટે જણાવી દઈએ કે ઈડીએ કાર્યવાહી બંગાળ શિક્ષણ ભરતી કૌભાંડ મામલે કરી છે. ઇડીને અર્પિતા વિરુદ્ધ કેટલાક મજબૂત પુરાવા મળ્યા હતા, ત્યારબાદ તેના ઘરે દરોડા પાડવામાં આવ્યા હતા. કેટલાય કલાકોની રેડમાં નોટો સામે આવી છે. તપાસ એજન્સી હજી પણ તેમના ઘરે હાજર છે.
ED is carrying out search operations at various premises linked to recruitment scam in the West Bengal School Service Commission and West Bengal Primary Education Board. pic.twitter.com/i4dP2SAeGG
બંગાળમાં ઘણી જગ્યાએ EDના દરોડા
હાલમાં અર્પિતા ઉપરાંત ઈડી અન્ય ઘણા સ્થળો પર દરોડા પાડી રહી છે. આ યાદીમા મંત્રી પાર્થ ચેટરજી, રાજ્યના શિક્ષણ મંત્રી માણિક ભટ્ટાચાર્ય, આલોક કુમાર સરકાર, કલ્યાણ મેયો ગાંગુલી જેવા નામ પણ સામેલ છે. આ તમામ બંગાળ શિક્ષણ ભરતી કૌભાંડમાં સામે આવ્યા છે. પરંતુ સૌથી મોટી કાર્યવાહી અર્પિતા સામે થઈ છે, જેને પોતાના ઘરે 20 કરોડ રોકડા મળ્યા છે. દરોડા દરમિયાન ઈડીએ તેના ઘરમાંથી 20 ફોન પણ જપ્ત કર્યા છે. અર્પિતા તે ફોન દ્વારા શું કરતી હતી તે હજુ સ્પષ્ટ નથી થયું, પરંતુ ઈડીએ પણ તેને પોતાની તપાસમાં સામેલ કરી છે. સાથે જ નોટોની સંખ્યા આટલી મોટી હોવાના કારણે આવી સ્થિતિમાં બેંક અધિકારીઓને પૈસા ગણવા માટે બોલાવવામાં આવ્યા છે. નોટ ગણવાના મશીનો પણ આવી ગયા છે. આ સમયે તેમના ઘરે નોટોની ગણતરી ચાલી રહી છે, આવી રીતે જોઇએ તો કુલ આંકડો પણ વધારે હોઇ શકે છે.
મંત્રી પાર્થ ચેટર્જીના ઘરે પણ તપાસ ચાલી રહી છે
ઇડીની એક ટીમ છેલ્લા 11 કલાકથી મંત્રી પાર્થ ચેટર્જીના ઘરે હાજર છે. ઈડીએ તેમના ઘરમાંથી શું મળ્યું, શું જપ્ત કરવામાં આવ્યું છે તે અંગે કંઈ કહ્યું નથી. પરંતુ તપાસ ચાલી રહી છે, અન્ય જગ્યાએ પણ ઈડીની ટીમો એક્શનમાં જોવા મળી રહી છે. બંગાળના રાજકારણમાં આ શિક્ષણ કૌભાંડે રાજકીય તાપમાન વધાર્યું છે.