સુરતઃ હજીરા પોલીસ સ્ટેશનની પાછળ બાયપાસ હાઈવે પર હિટ એન્ડ રનની ઘટના બની છે. જ્યાં ડમ્પરે સ્કુટર પર જઈ રહેલા બે યુવકોને અડફેટે લીધા હતા. અને યુવકો પર ડમ્પર ફરી વળતા બે યુવકોના ઘટનાસ્થળે મોત થયા હતા. ડમ્પરચાલક અકસ્માત સર્જી ફરાર થઇ ગયો હતો. હજીરા પોલીસે અજાણ્યા ડમ્પરચાલકની શોધખોળ શરૂ કરી છે.
ઉલ્લેખનીય છે કે ગઇકાલ મોડી રાત્રી દરમિયાન ડમ્પર ચાલકે સ્કુટરને અડફેટે લીધું જેમાં સવાર 2 યુવકોના ઘટનાસ્થળે મોત નિપજ્યાં હતા. આ અકસ્માત બાદ ડમ્પર ચાલક ફરાર થઇ ગયો હતો.
મહત્વનું છે કે સમગ્ર ઘટનાની જાણ થતા હજીરા પોલીસ ઘટના સ્થળે પહોંચી હતી. ડમ્પર ચાલક વિરૂદ્ધ ગુનો દાખલ કરી અજાણ્યા ડમ્પર ચાલકની શોધખોળ શરૂ કરી હતી.
અકસ્માતનો ભોગ બનેલા બન્ને યુવાનોના મૃતદેહને નજીકની હોસ્પિટલ ખસેડવામાં આવ્યા હતા. આ દુર્ઘટનાને લઇને પરિવારમાં માતમ છવાયો છે.