નવરાત્રિને લઇને બજરંગદળ અને vhpના કાર્યકરો એક્ટિવ થયા છે. જેના દ્વારા ગરબાના આયોજનોમાં સરપ્રાઈઝ ચેકિંગ હાથ ધરવામાં આવી રહ્યા છે.
નવરાત્રિમાં બજરંગદળ અને vhp થયું એક્ટીવ
લવ જેહાદ, છેડતીની ઘટનાથી યુવતીઓને બચાવત મેદાને
અમદાવાદમાં 6 ટીમ ચેકિંગ કરી રહી છે
નવરાત્રિની વિશ્વના સૌથી મોટા તહેવાર તરીકે ગ્ણતરી કરવામાં આવે છે. નવરાત્રિ હિન્દુ ધર્મના દેવી શક્તિના આરાધ્યનું પર્વ છે. જેમા યુવાઑ મન મુકીને ગરબે ઘૂમે છે અને માતાજીની આરાધના કરતા હોય છે. આ દરમિયાન ગરબા રમવા જતા યુવતી વિધર્મી બચે તે માટે નવરાત્રિમાં બજરંગદલ અને vhp એક્ટીવ બન્યું છે..
વીએચપી અને બજરંગ દળના કાર્યકરો દ્વારા સરપ્રાઈઝ ચેકિંગ
ગુજરાતીઓની ઓળખ સમા નવરાત્રિ મહોત્સવનો પ્રારંભ થઈ ગયો છે. બે વર્ષથી કોરોનાને કારણે નવરાત્રિ દરમિયાન ગરબાના મોટા આયોજનોને મંજૂરી આપવામાં આવી ન હતી. આ વખતે કોઈપણ પ્રતિબંધ વિના નવરાત્રિનું આયોજન થઈ રહ્યુ છે. ત્યારે ગરબા પ્રેમીઓ મન મૂકીને ગરબે ઝુમી રહ્યા છે. આવી સ્થિતિ વચ્ચે જાહેર ગરબાના આયોજનનમાં લવ જેહાદની ઘટનાથી અને છેડતીની ઘટનાથી મહિલાઓ અને યુવતીઓને બચાવવા બજરંગદળ અને વિશ્વ હિન્દુ પરિષદ એક્ટિવ થયું છે. વીએચપી અને બજરંગ દળના કાર્યકરો સરપ્રાઈઝ ચેકિંગ હાથ ધરી રહ્યા છે.
બે વિધર્મી યુવકોને ગરબામાંથી હાકી કઢાયા
ગઇકાલે SP રિંગ રોડના પાર્ટી પ્લોટમાં સરપ્રાઈઝ ચેકિંગ હાથ ધર્યું હતું. અચાનક વીએચપી અને બજરંગ દળના કાર્યકરો એક આયોજનમાં પહોંચ્યા હતા. આ દરમિયાન બે વિધર્મી યુવકો મળતા તેને ગરબામાંથી હાકી કાઢ્યા હતા. આ મામલે બજરંગ દળના પ્રમુખ જ્વલિત મહેતાએ જણાવ્યું કે, લવ જેહાદના પ્રશ્નો બને નહીં એ માટે દર વર્ષે બજરંગ દળ દ્વારા સરપ્રાઈઝ ચેકિંગ હાથ ધરવામાં આવતી હોય છે. ત્યારે આ વખતે પણ કાર્યકરો દ્વારા દરેકના આઈડી પ્રુફ ચેક કરવામાં આવ્યા હતા.આ દરમિયાન કેટલાક વિધર્મી યુવકો મળી આવ્યા હતા. જેઓને બજરંગ દળના કાર્યકરોએ પાઠ ભણાવ્યા હતા.
આખી નવરાત્રિ દરમિયાન vhp અને બજરંગ દળ એક્ટીવ બન્યું છે. આ કાર્યવાહી નવરાત્રિ દરમિયાન ચાલુ રહેશે. હાલ અમદાવાદમાં 6 ટીમ ચેકિંગ કરી રહી છે. જ્યારે ગુજરાતભરમાં 28 ટીમો ગરબા સ્થળે જઈને ચેકિંગ કરી રહી છે.