સાબરકાંઠા / મજરા-તલોદ રોડ પર ઇકો અને ટ્રક વચ્ચે ગમખ્વાર અકસ્માત, 2ના મોત, 8 ગંભીર ઇજાગ્રસ્ત

• મજરાથી તલોદ રોડ પર થયો અકસ્માત 
• ટ્રક અને ઇકો કાર વચ્ચે અકસ્માતમાં 2ના મોત 
• અકસ્માતમાં 8 લોકો ગંભીર રીતે ઇજાગ્રસ્ત

સાબરકાંઠાના પ્રાંતિજના મજરા-તલોદ રોડ પર ટ્રક અને ઇકો વચ્ચે ટક્કર થઇ હતી. જેમાં 2 મહિલાઓના ઘટનાસ્થળે જ મોત નિપજ્યાં છે. આ અકસ્માતમાં 8 લોકો ગંભીર રીતે ઇજાગ્રસ્ત થયા છે.

આ અકસ્માતમાં 5 ઇજાગ્રસ્તને તલોદ સિવિલ હોસ્પિટલ ખસેડાયા છે. બીજા 3 ઇજાગ્રસ્તોને હિમ્મતનગરની હોસ્પિટલમાં સારવાર અર્થે લઇ જવાયા છે. આ દુર્ઘટના સર્જાતા રોડ પર લોકો ઉમટી પડ્યા હતા અને બચાવ કામગીરી હાથધરી હતી. જ્યારે આ મામલે પોલીસે ઘટનાસ્થળે પહોંચીને તપાસ હાથધરી છે.