આતંકીઓની ઓળખ ગૌહર મંજૂર અને આકિબ હુસૈન નંદા તરીકે થઈ છે. બંને પુલવામાના દ્રબગામ વિસ્તારના રહેવાસી છે.
જમ્મુ કાશ્મીરમાં તૈનાત સુરક્ષાદળોને મોટી સફળતા
બે આતંકવાદીઓની ધરપકડ કરવામાં આવી
પોલીસે આતંકી મોડ્યુલનો પર્દાફાશ કરવાનો દાવો કર્યો
જમ્મુ કાશ્મીરમાં તૈનાત સુરક્ષાદળોને મોટી સફળતા મળી છે. શોપિયા જીલ્લાના ચકકેલર વિસ્તારમાંથી બે આતંકવાદીઓની ધરપકડ કરવામાં આવી છે. તેમની ઓળખ ગૈહર મંજૂર અને આકિબ હુસૈન નંદા તરીકે થઈ છે. આ બંને પુલવામાના દ્રબગામ વિસ્તારના રહેવાસી છે. શ્રીનગર ડિફેન્સ પીઆરઓએ કહ્યું કે આ આતંકવાદીઓ પાસેથી ભારે માત્રામાં હથિયારો મળી આવ્યા છે. બંનેને પોલીસને સોંપવામાં આવ્યા છે.
પોલીસે આતંકી મોડ્યુલનો પર્દાફાશ કરવાનો દાવો કર્યો
આ પહેલા રવિવારે જમ્મુ અને કાશ્મીર પોલીસે એક આતંકી મોડ્યુલનો પર્દાફાશ કરવાનો દાવો કર્યો હતો. જે યુરોપથી ઓપરેટ કરવામાં આવી રહ્યું હતું. પોલીસે જમ્મુમાં ડ્રોનની મદદથી પાકિસ્તાનથી શસ્ત્રો અને વિસ્ફોટકોના કન્સાઈનમેન્ટ ઉતારવામાં સામેલ તેના બે સભ્યાની ધરપકડ કરી હતી. આરએસ પુરા ખાતે ઇન્ટરનેશનલ બોર્ડર સાથા બાસપુર બાંગ્લા વિસ્તારમાં ડ્રોનમાંથી શસ્ત્રો છોડવા અંગે તપાસ ચાલી રહી હતી. દરમિયાન ડોડાના ચંદર બોઝ અને કેમ્પલ ગોલે ગુજરાલના શમશેરની ધરપકડ કરવામાં આવી હતી. અધિકારીઓએ જણાવ્યું કે તેમની પાસેથી ચાર પિસ્તોલ, આઠ મેગેઝીન અને 47 ગોળીઓ મળી આવી છે.
J&K | A terrorist was neutralised in joint ops in Jumagund, Kupwara by Indian Army & JK police after he was found infiltrating Line of Control (LoC). Terrorist tried to flee & fired at ambush party. An AK series rifle & other war like stores recovered: PRO (Defence) Srinagar
શંકાસ્પદ ડ્રોન જોવા મળ્યું
જમ્મુ કાશ્મીરના સાંબામાં શંકાસ્પદ ડ્રોન જોવા મળ્યું છે. જમ્મુ-કાશ્મીરના સરહદી સાંબા જીલ્લામાં શંકાસ્પદ ડ્રોન ઉડતું જોવા મળ્યું હતું. સુરક્ષા અધિકારીઓએ રવિવારે જણાવ્યું હતું કે જીલ્લાના ગ્રામીણ વિસ્તારોમાં કેટલીક શંકાસ્પદ વસ્તુઓ ઉડતી જોવા મળી હતી અને નજીકની પોલીસ ચોકીને તેની જાણ કરવામાં આવી હતી. તેમણે કહ્યું કે માહિતી મળાતની સાથે જ એક પોલીસ ટીમને મોકલવામાં આવી હતી અને બીએસએફને તેની જાણ કરવામાં આવી હતી.