જમ્મુ કાશ્મીરના સુંદરબની વિસ્તારમાં અંકૂશરેખાએ આવેલા દાદલ વિસ્તારમાં સુરક્ષા દળો અને આતંકવાદીઓ વચ્ચેની અથડામણમાં 2 આતંકી ઠાર થયા હતા.
જમ્મુ કાશ્મીરના સુંદરબની વિસ્તારમાં સવારથી એન્કાઉન્ટર ચાલી રહ્યું છે
અથડામણમાં 2 આતંકી ઠાર થયા
ભારતના 2 જવાનો શહીદ થયા
હજુ પણ એન્કાઉન્ટર ચાલી રહ્યું છે
આતંકી સાથેની અથડામણમાં ભારતને પણ નુકશાન વેઠવું પડ્યું છે. ભારતના 2 જવાનો શહીદ થયા હતા. આ વિસ્તારમાં હજુ પણ એન્કાઉન્ટર ચાલી રહ્યું છે. શહીદ જવાનોની ઓળખ સુબેદાર શ્રીજીથ એમ અને સિપાઈ મારુપરોલુ જસવંત રેડ્ડી તરીકે થઈ છે. એન્કાઉન્ટર સવારથી ચાલી રહ્યું છે. આખા દિવસમાં અત્યાર સુધી 6 આતંકીઓ ઠાર થયા છે.
એન્કાઉન્ટરમાં અત્યાર સુધી 2 આતંકવાદી માર્યા ગયા
આ દરમિયાન સ્થળ પર સેના, અર્ધસૈનિક દળ, ફાયર અને રાજ્ય પોલીસના જવાનો હાજર હતા. મનાઈ રહ્યું છે કે આ એન્કાઉન્ટરમાં અત્યાર સુધી 2 આતંકવાદી માર્યા ગયા છે. જો કે હજું સુધી બન્નેની ઓળખ થઈ ચુકી નથી. કાશ્મીર જોન પોલીસે કહ્યું કે હજું પણ સર્ચ ઓપરેશન જારી છે. સૂત્રો દ્વારા મળતી જાણકારી અનુસાર સુરક્ષાદળોને બાતમી મળી હતી કે પુચલમાં આતંકી હોઈ શકે છે. જે બાદ વિસ્તારમાં સર્ચ ઓપરેશન ચલાવવામાં આવી રહ્યું છે.
સમાચાર લખાઈ રહ્યા છે ત્યાં સુધી એ જાણકારી નથી મળી શકી, સ્થળ પર કેટલા આતંકવાદી હાજર છે. કાશ્મીર પોલીસના આઈજીપી વિજય કુમારે કહ્યું કે કાશ્મીરમાં 24 કલાકમાં 5 આતંકવાદીઓને ઢેર કર્યા છે. એ માટે પોલીસ અને સુરક્ષા દળોએ અભિનંદન પાઠવ્યા છે. આ સમાચારમાં જાણકારીની રાહ છે.
સેનાએ એલઓસી પર ઘૂસણખોરીના પ્રયાસ નિષ્ફળ બનાવ્યો
આ પહેલા રાજોરી જિલ્લામાં એલઓસી પર બુધવારે સેનાએ ઘૂસણખોરીના પ્રયાસને નિષ્ફળ બનાવતા પાકિસ્તાની આતંકવાદીઓને ઠાર કર્યા હતા. રક્ષા મંત્રાલયના પ્રવક્તાએ આ જાણકારી આપી.
અથડામણમાં 2 સૈનિકો ઘાયલ
સત્તાવાર સૂત્રોએ જણાવ્યું કે એલઓસી પર ઘૂસણખોરી કરી રહેલા આતંકવાદીઓને રોકવા માટે થયેલી અથડામણમાં 2 સૈનિકો ઘાયલ થયા છે. પ્રવક્તાએ જણાવ્યું કે આજે પાકિસ્તાની આતંકવાદીઓના ગ્રુપે રાજૌરી જિલ્લાના નૌશેરા સેક્ટરમાં એલઓસી પાર કરવાનો પ્રયાસ કર્યો. સેનાની સતર્કતાને તેમને ઘૂસણખોરોને ઠાર કરી તેમના પ્રયાસને નિષ્ફળ બનાવ્યા છે. પ્રવક્તાના જણાવ્યાનુસાર માર્યા ગયેલા આતંકવાદીનો મૃતદેહ બરામદ કરવામાં આવ્યો છે.
આટલા હથિયાર મળ્યા
તેમણે જણાવ્યું કે ઘટના સ્થળથી એક એકે 47 રાઈફલ, એકે 47ની ચાર મેગજીન અને 2 હેન્ડ બોમ્બ પણ મળી આવ્યા છે. પ્રવક્તાએ જણાવ્યું કે આ કાર્યવાહી જણાવે છે કે ભારતીય સેના નિયંત્રણ રેખા પર કોઈ પણ દુસ્સાહસને રોકવામાં સક્ષમ છે. સૂત્રોના જણાવ્યાનુસાર આ અથડામણમાં 2 જવાનો પણ ઘાયલ થયા અને તેમને હોસ્પિટલ સારવાર માટે દાખલ કરવામાં આવ્યા છે.