વડોદરામાં ડેલ્ટા વેરિએંટના બે શંકાસ્પદ કેસ નોંધાયા જેના કારણે તંત્ર દોડતું થઈ ગયું છે. બંને દર્દીઓ 15 દિવસ પહેલા કેરળ ફરવા ગયા હતા. જેથી ત્યા સંક્રમિત થયા હોવાની આશંકા સેવાઈ રહી છે.
વડોદરામાં ડેલ્ટા વેરિએંટના 2 શંકાસ્પદ કેસ
બંને દર્દીઓ 15 દિવસ પહેલા કેરળ ગયા હતા
દર્દીઓ SSG હોસ્પિટલમાં સારવાર હેઠળ
ગુજરાતમાં કોરોનાની બીજી લહેર ઘણી ઘાતક સાબિત થઈ હતી. રાજ્યમાં બીજી લહેર વખતે હોસ્પિટલમાં બેડોની અછત સર્જાઈ ગઈ હતી. સાથેજ ઘણા લોકોના મોત પણ થયા હતા. ત્યારે લોકોમાં હવે કોરોનાની બીજી લહેરને લઈને ભયનો માહોલ ફેલાયેલો છે. તેવામાં વડોદરમાં ડેલ્ટા વેરિએંટના બે શંકાસ્પદ કેસ નોંધાયા છે.
SSG હોસ્પિટલમાં દાખલ
વડોદરામાં આવેલ SSG હોસ્પિટલમાં 2 દર્દીઓને દાખલ કરવામાં આવ્યા છે. જેમનામાં ડેલ્ટા વેરિએંટના લક્ષણો જોવા મળ્યા છે. આ વાતને લઈને જિલ્લામાં હડકંપ મચી ઉઠ્યો છે. જેના કારણે તેમના સેમ્પલ પણ ટેસ્ટ માટે લેબોરેટરીમાં મોકલવામાં આવ્યા છે.
બંને દર્દીઓ કેરળ ફરવા ગયા હતા
જે બે દર્દીઓમાં શંકાસ્પદ લક્ષણો મળી આવ્યા છે. તે બે દર્દીઓ 15 દિવસ પહેલા કેરળ ફરવા માટે ગયા હતા. જેથી શંકા છે તેઓ કેરળથી સંક્રમિત થઈને આવ્યા હતા. હાલ તો બંને દર્દીઓ સારવાર હેઠળ છે. અને તેમની હાલત સ્થિર છે. પરંચુ ડેલ્ટા વેરિએંટની આશંકાને લીધે હવે તંત્ર પણ દોડતું થઈ ગયું છે.
કેરળમાં કોરોનાના કેસમાં ઉછાળો
ઉલ્લેખનીય છે કે હાલ કેરળમાં કોરોનાના કેસમાં સખત ઉછાળો આવ્યો છે. તેમા પણ બે દર્દીઓ ત્યાથીજ આવ્યા છે. સાથેજ તેમનામાં શંકાસ્પદ ડેલ્ટા વેરિએંટના કેસ મળી આવતા વડોદરામાં હડકંપ મચી ઉઠ્યો છે.