લાપતા / જમ્મુ કાશ્મીરમાં બે પોલીસ જવાન AK-47 સહિત ગુમ, આતંકવાદીઓ સાથે જોડાયા હોવાની શંકા

બન્ને પોલીસ કર્મચારીઓએ ડિસ્ટ્રીક પોલીસ લાઇનથી બે એકે 47 રાઇફલ અને કેટલાક હથિયાર પણ સાથે લીધા છે. શંકા વ્યક્ત કરવામાં આવી રહી છે કે બન્ને પોલીસ કર્મચારીઓ કોઇ આતંકવાદી સંગઠનમાં સામેલ થઇ ગયા છે પરંતુ પોલીસે આની અત્યાર સુધી પુષ્ટિ નથી કરી. પોલીસ તરફથી બન્ને લાપતા પોલીસ કર્મચારીઓની શોધખોળ શરૂ કરી દેવાઇ છે.

બીજી તરફ એક માઠા સમાચાર અનંતનાગથી આવ્યા જ્યાં આતંકવાદીઓએ આર્મી જવાન મંજૂર અહમદ બેગ(પિતા-અબ્દુલ સલામ બેગ)ની ગોળી મારીને હત્યા કરી દેવામાં આવી. બેગને તેમના સંદૂરા ગામ સ્થિત ઘરમાં ગોળી મારવામાં આવી. આર્મી જવાન મંજૂર બેગ ઇદની રજા પર પોતાના ઘરે ગયા હતા.

બેગ વિશે જણાવવામાં આવ્યું છે કે પહેલા લખ્વાની ગનમેન હતા. જેમણે બાદલમાં આર્મીની ટેરિટોરિયલ યૂનિટમાં નોકરી જોઇન કરી લીધી હતી. મંજૂર શોપિયાંમાં 34 આરઆર બટાલિયનમાં તૈનાત હતા. ગોળી લગ્યા બાદ તાત્કાલિક તેમની પાસે સરકારી હોસ્પિટલ લઇ જવામાં આવ્યા જ્યાં ડોક્ટરોએ તેમને મૃત જાહેર કરી દીધા. અનંતનાગમાં આ ઘટના બાદ આ વિસ્તારને સેનાએ ચોતરફથી ઘેરી લીધો છે. આતંકવાદીઓની શોધમાં સર્ચ ઓપરેશન શરૂ કર્યું છે.