અમદાવાદ / નિત્યાનંદ આશ્રમ મામલામાં 2 સાધ્વીઓનાં રિમાન્ડ આજે પૂર્ણ, જાણો આશ્રમનાં લોકરમાંથી શું મળી આવ્યું

• રિમાન્ડ પૂર્ણ થતા બન્ને સાધવીઓને કોર્ટમાં રજૂ કરાશે
• પોલીસે બન્ને આશ્રમનાં ડિજીટલ લોકર તોડીને કરી તપાસ
• લોકરમાંથી આશ્રમમાંથી નિકળેલા લોકોના મોબાઈલ હોવાનું સામે  આવ્યું

આજે પૂર્ણ થઈ રહ્યાં છે

અમદાવાદનાં નિત્યાનંદ આશ્રમનાં વિવાદ મામલે પોલીસે બે સાધ્વીઓની ધરપકડ કરી હતી. જેને પગલે બન્ને સાધ્વીઓને 5 દિવસનાં રિમાન્ડ મળ્યાં હતાં. જે આજે પૂર્ણ થઈ રહ્યાં છે. 

ડિજિટલ લોકરમાંથી મળ્યો આ સામાન

જેને પગલે પોલીસ બન્ને આરોપી સાધ્વીઓને કોર્ટમાં રજૂ કરશે. તેમજ નિત્યાનંદ આશ્રમ વિવાદ મામલે પોલીસ દ્વારા તપાસ કરવામાં આવી રહી છે. ત્યારે  આ તપાસ દરમિયાન પોલીસે નિત્યાનંદ આશ્રમમાં રહેલાં ડિજિટલ લોકરનું તાળું તોડતા તેમાંથી ઈમિટેશન જ્વેલરી 6 મોબાઈલ તથા 1100 રોકડ મળ્યાં છે.  

સામનને એફએસએલમાં મોકલવામાં આવશે

પોલીસ તપાસમાં જાણવા મળ્યું છે કે આશ્રમમાંથી નિકળેવા લોકોનાં મોબાઈલ લોકરમાં હોવાનું સામે આવ્યું છે. આ સાથે લોકરમાં રાઉટર તથા 4 સીમકાર્ડ પણ મળી આવ્યાં છે. આ તમામ સામાનને એફએસએલમાં મોકલવાની કામગીરી હાથ ધરાઈ છે.