કોરોના વાયરસ / કેન્દ્રએ કહ્યું, દેશમાં કોરોનાના 2 નવા સ્ટ્રેન મળ્યા, પરંતુ નવી લહેર માટે આ જવાબદાર છે એના પુરાવા નહીં

• 3 રાજ્યોમાં કોરોના વાયરસના 2 નવા સ્ટ્રેન મળી આવ્યા 
• INSACOG વાયરસના નવા સ્ટ્રેનની મોટા સ્તર પર ટ્રેકિંગ કરી રહ્યું છે
• કોરોનામાં ફેરફારની આશંકાને જોતા તેના પર નજર રખાઈ રહી છે

 3 રાજ્યોમાં કોરોના વાયરસના 2 નવા સ્ટ્રેન મળી આવ્યા 

દેશમાં એકવાર ફરી કોરોનાએ ચિંતા વધારી છે. આ સાથે દેશના કેટલાક ભાગોમાં કોરોના વાયરસના નવા સ્ટ્રેન પણ મળ્યા છે. કેન્દ્ર સરકારે મંગળવારે જાણકારી આપી છે કે 3 રાજ્યો મહારાષ્ટ્ર, કેરળ અને તેલંગાનામાં કોરોના વાયરસના 2 નવા સ્ટ્રેન મળી આવ્યા છે. જો કે સરકારનું કહેવું છે કે હજું સુધી તેના પાક્કા પુરાવા મળ્યા નથી તે આ બે નવા સ્ટ્રેનના કારણે મહારાષ્ટ્ર અને કેરળમાં કોરોનાના કેસમાં વધારો થઈ રહ્યો છે. આ પહેલા દેશમાં બ્રિટન, દક્ષિણ આફ્રીકન અને બ્રાજીલિયાઈ કોરોના સ્ટ્રેનની પુષ્ટિ થઈ ચૂકી છે.

કોરોનામાં ફેરફારની આશંકાને જોતા તેના પર નજર રખાઈ રહી છે

નીતિ આયોગના સભ્યો ડો. વીકે પોલે મંગળવારે જાણકારી આપી હતી કે ઈન્ડિયન સાર્સ સીઓવી-2 જીનોમિક કંસોર્ટિયાએ કોરોના વાયરસના 2 નવા રુપ એન 440 કે અને ઈ 484ની ઓળખ કરી છે. તેમણે કહ્યું કે અમે હજું પણ કોરોનામાં ફેરફારની આશંકાને જોતા તેના પર નજર રાખી રહ્યા છીએ. કોરોના વાયરસના 2 નવા રૂપ એન440કે અને ઈ 484કે મહારાષ્ટ્રમાં જોવા મળ્યા છે. ઈ484કે વેરિએન્ટ કેરળ અને તેલંગાણામાં જોવા મળ્યા છે.

INSACOG વાયરસના નવા સ્ટ્રેનની મોટા સ્તર પર ટ્રેકિંગ કરી રહ્યું છે

ડો. વીકે પોલનું  કહેવું છે કે  INSACOG કોરોના વાયરસના નવા સ્ટ્રેનની મોટા સ્તર પર ટ્રેકિંગ કરી રહ્યું છે. આ પ્રયાસ ઝડપથી ચાલી રહ્યો છે. અમે 3500 નમૂના પર શોધ કરી છે.  અમે આ પ્રક્રિયાના માધ્યમથી 187 વ્યક્તિઓમાં યૂકે સ્ટ્રેનની શોધ કરી છે. 6 લોકોમાં અમે દક્ષિણ આફ્રીકન સ્ટ્રેનને શોધ્યો છે. એક કેસમાં અમે બ્રાઝિલના વેરિએન્ટને શોધ્યો છે.

નવા મામલામાં આવેલા ઉછાળા માટે નવા સ્ટ્રેનને જવાબદાર ન ઠરાવી શકાય

જો કે પોલે આ દરમિયાન એમ પણ કહ્યું કે મહારાષ્ટ્ર અને કેરળમાં કોરોનાના નવા મામલામાં આવેલા ઉછાળા માટે નવા સ્ટ્રેનને જવાબદાર ન ઠરાવી શકાય. તેમણે કહ્યું કે અમારી પાસે ઉપલબ્ધ જાણકારીના આધાર પર હાજર સમયમાં અમારી પાસે કોરોનાના 5 વેરિએન્ટ હાજર છે. પરંતુ વૈજ્ઞાનિક પ્રમાણોના આધાર પર એવા પુરાવા સામે નથી આવ્યા કે મહારાષ્ટ્ર અને કેરળના કેટલાક જિલ્લામાં જોવા મળી રહેલી તેજી માટે આ જવાબદાર છે. અમે આના મ્યૂટેશન પર નજર રાખી રહ્યા છીએ.