દેશમાં કેરળમાં હાથણી સાથે થયેલ હિંસાથી આખો દેશ આક્રોશ અનુભવી રહ્યો છે. એવામાં આવી એક બીજી ઘટના આવી છે જેથી દેશ હચમચી ગયો છે. મહારાષ્ટ્રના ઔરંગાબાદ જિલ્લામાં 2 વ્યક્તિઓએ એવું કામ કર્યું છે જે સોશ્યલ મીડિયા ઉપર વાયરલ થયું છે.
આ વીડિયોમાં કૂતરા સાથે થયેલા વ્યવહારથી સોશ્યલ મીડિયા ઉપર યુઝર્સ ખિન્ન થઇ ગયા છે. આ વીડિયોમાં 2 વ્યક્તિઓએ તેમની મોટરસાયકલ પાછળ એક કૂતરું બાંધી દીધું હતું. આ મોટર સાયકલની સાથે કૂતરું પણ પાછળ પાછળ ઘસડાઈ રહ્યું હતું. કૂતરા સાથેની આ ક્રૂરતાનો વીડિયો સોશ્યલ મીડિયા ઉપર ઝડપથી વાયરલ થઇ રહ્યો છે.
વીડિયોમાં તમે જોઈ શકો છો કે બંને શખ્સ મોટરસાયકલની પાછળના ભાગમાં કૂતરાને ખેંચી રહ્યા છે. મોટરસાયકલની પાછળ બેઠેલી વ્યક્તિ કૂતરાને શેરીમાં ખેંચી રહી છે, જ્યારે બીજો વ્યક્તિ મોટરસાયકલ ચલાવી રહ્યો છે. તે દરમિયાન પાછળથી એક કાર આવી રહી છે. કારમાં બેઠેલી વ્યક્તિએ કૂતરા સાથેની આ ક્રુરતાનો વીડિયો મોબાઇલ પર બન્યો હતો.
હરકતમાં આવી પોલીસ
ઔરંગાબાદમાં કૂતરા સાથે આ પ્રકારના વ્યવહારનો વીડિયો સામે આવ્યા બાદ પોલીસ વહીવટીતંત્રએ કાર્યવાહી હાથ ધરી છે અને બંને આરોપીની અટકાયત કરવામાં આવી છે. આ વીડિયો ટ્વિટર પર વાયરલ થયા પછી યુઝર્સ અનેક પ્રકારના સવાલો પૂછે છે. એક વપરાશકર્તાએ કોમેન્ટ કરી અને પૂછ્યું કે શું તેઓ ખરેખર માણસો કહેવા લાયક છે કે નહીં. તે જ સમયે, એક વપરાશકર્તાએ કોમેન્ટ કરી કે જે લોકો પ્રાણીઓને આમ વર્તે છે, હકીકતમાં તેઓ મનુષ્ય કહેવાને લાયક નથી.