ચકચાર / સુરતમાં એક જ દિવસમાં ઉપરાઉપરી ઘાતકી હત્યાની 2 ઘટનાથી રાજ્યમાં ખળભળાટ

• સુરતમાં એક બાદ એક હત્યાના બનાવો 
• કાયદો અને વ્યવસ્થાની સ્થિતિ મુદ્દે ઉઠ્યા સવાલો
• આજે ઉપરાછાપરી હત્યાની બે ઘટનાઓ આવી સામે

ઉલ્લેખનીય છે કે, સુરતમાં થાઇલેન્ડની યુવતીના હત્યાની ઘટનાની સ્યાહી સૂકાઇ નથી ત્યાં આજે ફરી એકવાર ચકચારી ઘટના પ્રકાશમાં આવી છે. ફરી એકવાર સુરતમાં એક જ દિવસમાં હત્યાની બે ઘટનાઓ બની છે

ડિંડોલીમાં પરપ્રાંતિય યુવકની હત્યા

પ્રાપ્ત થતી જાણકારી પ્રમાણે, ડિંડોલી વિસ્તારમાં એક પરપ્રાંતિય યુવકની હત્યા કરવામાં આવી છે. યુવકની હત્યા કરાયા બાદ તેની લાશને રેલવે ટ્રેક પર ફેંકી દેવામાં આવી હતી. જો કે, આ યુવકની હત્યા કયાં કારણોસર કરવામાં આવી તે સામે જાણી શકાયું નથી. 

પહેલા પ્રેમીએ બીજા પ્રેમીને પતાવી દીધો 

આ તરફ પાંડેસરા વિસ્તારમાં પ્રેમ સંબંધમાં હત્યા થઇ હોવાની ઘટના પ્રકાશમાં આવી છે. પ્રાપ્ત થતી જાણકારી પ્રમાણે, એક યુવતીના પ્રેમમાં પડેલા બે યુવકોનો ઝઘડો થયો હતો. જો કે, થોડા સમયમાં આ ઝઘડાઓ વધુ ઉગ્ર સ્વરૂપ ધારણ કરી લેતા લોહીયાળ જંગ ખેલાયો હતો. યુવતી માટેના આ જંગમાં પહેલા પ્રેમીએ બીજા પ્રેમીની ઘાતકી હત્યા કરી હતી. 

કાયદો અને વ્યવસ્થા પર ઉઠ્યા સવાલ 

નોંધનીય છે કે, ડાયમંડ નગરી સુરતમાં છેલ્લા કેટલાક સમયગાળાથી હત્યાના બનાવો બની રહ્યા છે. ત્યારે કાયદો અને વ્યવસ્થા કથળી હોય તેમ લાગી રહ્યું છે. ત્યારે હવે આ મામલે તાત્કાલિક અસરથી સ્થાનિક પોલીસ દ્વારા કડક પગલા લેવાય તેવું નાગરિકો ઇચ્છી રહ્યા છે.