2 એસ્ટ્રોફોટોગ્રાફર્સે ચંદ્રની અત્યાર સુધીની સૌથી વિસ્તૃત તસવીર લીધી છે. આ અદ્ભૂત ચિત્ર 2 વર્ષની મહેનત અને લગભગ 2,00,000 ફ્રેમ્સનું પરિણામ છે.
આજ સુધીની ચંદ્રની સૌથી વિસ્તૃત તસવીર
આ ચિત્ર 2 વર્ષ સુધી પાડેલા ફોટાઓનું પરિણામ
લગભગ 2,00,000 ફ્રેમ્સને જોડીને આ ફોટો બન્યો છે
2 એસ્ટ્રોફોટોગ્રાફર્સે ચંદ્રની અત્યાર સુધીની સૌથી વિસ્તૃત તસવીર લીધી છે. આ અદ્ભૂત ચિત્ર 2 વર્ષની મહેનત અને લગભગ 2,00,000 ફ્રેમ્સનું પરિણામ છે. જ્યારે આપણે ચંદ્રને જોઈએ છીએ, ત્યારે તે સફેદ ગોળો જેવો દેખાય છે. હા, ક્યારેક ગુલાબી, લાલ, વાદળી પણ થઈ જાય છે. સ્પેસ ફોટોગ્રાફર એન્ડ્ર્યુ મેકકાર્થી અને પ્લેનેટરી સાયન્ટિસ્ટ કોનોર માથેર્ને સાથે મળીને કામ કરીને આ તસવીર લીધી હતી.
ચંદ્ર દૂરથી સફેદ દેખાય છે
ચંદ્ર દૂરથી સફેદ દેખાય છે, પરંતુ 174 મેગાપિક્સલની આ તસવીરમાં આછો લાલ રંગ, ગનમેટલ બ્લૂ કલર પણ ચંદ્રમાં દેખાય છે. મેકકાર્થીએ જણાવ્યું હતું કે આ લાલ રંગ આયર્ન અને ફાલ્ડાસ્પર, પૃથ્વીના ઓક્સિજન પરમાણુઓના ઓક્સિડેશનને કારણે છે. મેકકાર્થી નાસા સાથે સંકળાયેલ નથી. એટલે કે આ તસવીર નાસાએ લીધી નથી.
Two years ago, I teamed up with fellow astrophotographer and planetary scientist @MatherneConnor to capture the most ridiculously detailed moon image we could. Over the last few months we put our heads together again to come up with something even clearer. Behold: pic.twitter.com/SebeDRJx2h
2,00,000થી વધુ તસવીરો લીધી
મેકકાર્થીએ અમેરિકાના એરિઝોનાથી ચંદ્રની 2,00,000થી વધુ તસવીરો લીધી હતી. માથેર્ને લ્યુઇસિયાનાથી ચંદ્રની લગભગ 500 તસવીરો લીધી હતી. સાથે મળીને, તેઓએ ઘણા મહિનાઓથી ચિત્રમાં ફ્રેમ બાય ફ્રેમ ઉમેર્યું અને પરિણામ એ છે કે આ ચિત્ર આપણે આપણી સામે જોઈ રહ્યા છીએ. મેકકાર્થી વિગતવાર ચિત્રો લેવામાં નિષ્ણાત છે અને તેણે વિગતવાર રીતે ચંદ્રને બતાવવાનો પ્રયાસ પણ કર્યો.
બન્ને સ્પેસના ફોટાઓ શેર કરતા રહે છે
મેકકાર્થીએ કહ્યું કે આખી તસવીર મોઝેક જેવી જ છે. દરેક ટાઇલ પર હજારો ચિત્રો છે. મેકકાર્થી અને માથેર્નની જોડી અવકાશની સુંદર તસવીરો લેતી રહે છે અને શેર કરતી રહે છે.