ઉનાળામાં સાવધાની રાખજો / VIDEO : રસ્તા પર બોંબની જેમ ફાટી ગઈ નવી રોયલ એનફિલ્ડ બાઈક, માલિકે કરી હતી આ ભૂલ

• આંધ્રપ્રદેશના અનંતપુરની જિલ્લાની ઘટના
• રસ્તા કિનારે ઊભેલી નવી રોયલ એનફિલ્ડ બાઈક અચાનક ફાટી ગઈ
• દોઢથી બે લાખની રોયલ એનફિલ્ડની પળવારમાં રાખ થઈ ગઈ

ઉનાળામાં સતત વાહન ચલાવવું ક્યારેક અતિ ભારે થઈ પડે છે. આવી ભીષણ ગરમીમા સતત વાહન ચલાવવાથી ક્યારે વાહન ગુમાવવાનો પણ વારો આવે છે અને એક શખ્સ સાથે આવું જ બન્યું છે. આંધ્રપ્રદેશના અનંતપુરની જિલ્લાની બનેલી એક ઘટનામાં રસ્તા કિનારે ઊભેલી દોઢથી બે લાખ રુપિયાની રોયલ એનફિલ્ડ બાઈક બોંબની જેમ ફાટીને રાખ થઈ ગઈ. 

కసాపురంలో బుల్లెట్ బండి మైసూరు నుండి కసాపురం కు నాన్ స్టాప్ గా వచ్చినందుకు పేలిపోయింది #guntakal #RoyalEnfield #Bullet #bike #fire #ACCIDENT #RoyalsFamily #RoyalEnfield pic.twitter.com/GGaRAnCY5x

— Allu Harish (@AlluHarish17) April 3, 2022

કેમ બોંબની જેમ ફાટી ગઈ રોયલ એનફિલ્ડ 
આંધ્રપ્રદેશના અનંતપુરમાં  એક રોયલ એનફિલ્ડ મોટરસાઇકલ જોતજોતામાં આગનો ગોળો બની ગઈ હતી. આસપાસ ન તો આગ લાગી હતી, ન તો બીજી કોઈ જ્વલનશીલ વસ્તુ હતી. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. આ બાઇક એક મંદિરની સામે પાર્ક કરવામાં આવ્યું હતું. બપોરના સમયે બાઈકમાં અચાનક આગ લાગી હતી અને જોતામાં જ મોટરસાઈકલ બળીને ખાખ થઈ ગઈ હતી.

વાહન માલિક રોયલ એનફિલ્ડને 400 કિલોમીટરનું અંતર કાપીને લાવ્યો હતો 

રવિચંદ્રન નામનો એક વ્યક્તિ મૈસૂરથી આ મોટરસાઈકલ લઈને આવ્યો હતો. તે 400 કિલોમીટરનું અંતર સતત કાપીને આવ્યો હતો. નવી બાઈક ખરીદીને તે સૌથી પહેલા નેતીકાંતી અંજનેય સ્વામીના દર્શન કરવા માટે મંદિર આવ્યો હતો અને બાઈક પાર્ક કરીને મંદિરમાં ગયો તેટલી વારમાં તો દોઢ લાખની બાઈક રાખ થઈ ગઈ. 

શું ભૂલ કરી હતી રોયલ એનફિલ્ડના માલિકે

રોયલ એનફિલ્ડનો  માલિક રવિચંદ્રન એક તો 400 કિલોમીટર દૂરથી બાઈક હાંકીને લાવ્યો હતો અને તેણે થોડો પણ રેસ્ટ લીધો નહોતો અને બીજું એ કે તેણે ખરા બપોરે ભીષણ ગરમીમાં રોયલ એનફિલ્ડ રસ્તા કિનારે ઊભી રાખીને મંદિરમાં દર્શન કરવા ગયો હતો. આવી સ્થિતિમાં અતિશય ગરમ થતા રોયલ એનફિલ્ટ ફાટી હતી અને તેણે લગભગ 2 લાખનું નુકશાન વેઠવાનો વારો આવ્યો હતો. ઉનાળામાં વાહનો સાથે આવી ભૂલ ન કરતા નહીંતર ભારે પડી શકે છે.