મતદાન એટલે મહાદાન / ગુજરાતમાં વોટિંગના દિવસે અમદાવાદના 2 લાખ કર્મીઓને રજા આપવાનો નિર્ણય, અન્ય શહેરોમાં પણ પરિપત્ર જારી કરાયા

• અમદાવાદમાં મતદાન માટે 2 લાખ કર્મચારીઓને રજા અપાશે
• 15 હજાર નાની-મોટી ઈન્ડસ્ટ્રીઝ કર્મીઓને મતદાન માટે રજા આપશે
• નરોડા, વટવા, નારોલ, કઠવાડા GIDC વિસ્તારમાં કર્મીઓને રજા અપાશે

ગુજરાત વિધાનસભાની ચૂંટણીની તારીખો જાહેર થઇ ગઇ છે. તારીખ 1 અને 5 ડિસેમ્બરના રોજ બે તબક્કામાં મતદાન યોજાશે. જેનું 8 ડિસેમ્બરે પરિણામ આવશે. ત્યારે તમને જણાવી દઇએ કે, 5 ડિસેમ્બરના રોજ અમદાવાદ જિલ્લાનું મતદાન યોજાશે. આથી, અમદાવાદમાં મતદાન માટે કર્મચારીઓને રજા અપાશે.

કેટલીક ઈન્ડસ્ટ્રીઝમાં 2 કલાક માટે પણ કર્મચારીઓને રજા અપાશે

શહેરના 2 લાખ કર્મચારીઓને મતદાન માટે રજા આપવામાં આવશે. 15 હજાર નાની-મોટી ઈન્ડસ્ટ્રીઝ પોતાના કર્મચારીઓને આ દિવસે મતદાન માટે રજા આપશે. જ્યારે કેટલીક ઈન્ડસ્ટ્રીઝમાં 2 કલાક માટે પણ મતદાન માટે કર્મચારીઓને રજા અપાશે. શહેરની નરોડા, વટવા, નારોલ અને કઠવાડા GIDC વિસ્તારમાં કર્મચારીઓને મતદાન દિવસે મતદાન માટે  રજા અપાશે.

સુરતમાં પણ અનેક ડાયમંડ ગ્રુપ કર્મચારીઓને 2થી 3 કલાકની રજા આપશે

વધુમાં જણાવી દઇએ કે, અમદાવાદના નરોડાની 1300 ઇન્ડસ્ટ્રીઝના 7500 કર્મચારીઓને વોટિંગ માટે 2 કલાકની રજા આપવાનો પરિપત્ર નરોડા એનવીરો પ્રોજેક્ટ લિમિટેડના પ્રમુખ શૈલેષ પટવારીએ કર્યો છે. જ્યારે વટવા ઇન્ડસ્ટ્રીના પ્રમુખ ડિમ્પલ પટેલે 2200 ઇન્ડસ્ટ્રીઝને પરિપત્ર કરી તેમના 1 લાખથી વધુ કર્મચારીઓને મતદાન માટે 3થી 4 કલાકની રજા આપવા અંગે જણાવ્યું છે. આ સિવાય સુરતમાં પણ અનેક ડાયમંડ તેમજ એક્સપોર્ટ ગ્રુપ સહિત કેટલીક કંપનીઓએ પોતાના કર્મચારીઓને મતદાન માટે 2થી 3 કલાકની રજા આપવાનો નિર્ણય કર્યો છે. જ્યારે રાજકોટમાં 13થી વધુ કંપનીઓએ પોતાના કર્મચારીઓને મતદાન માટે પૂરતો સમય આપવા જણાવ્યું છે.

અમદાવાદમાં 3 હજારથી વધુ ઉદ્યોગો છે સામેલ