ગુજરાત પોલીસ વિભાગમાં વર્ષની શરૂઆતમાં મોટા ફેરફારો થયા છે. બે અધિકારીઓને IGP રેન્કમાંથી ADGPમાં બઢતી કરાઈ છે જ્યારે અન્ય ત્રણ IPS ને DIGP થી IGP બઢતી અપાઈ છે
રાજ્ય પોલીસ બેડામાં બઢતી બદલી નો દોર યથાવત
બે અધિકારીઓને ADGP તરીકે બઢતી આપવામાં આવી છે.
ત્રણ IPS અધિકારીઓને IGP તરીકે બઢતી આપી છે
રાજ્ય પોલીસ બેડામાં બઢતી બદલી નો દોર યથાવત
રાજ્ય પોલીસ બેડા માં બઢતી બદલી નો દોર યથાવત છે. રાજ્ય સરકાર દ્વારા રાજ્યના 2 IPS અધિકારીઓને એડીજીપી ગ્રેડનું પ્રમોશન આપવામાં આપ્યું છે. ગુજરાત પોલીસ વિભાગમાં વર્ષની શરૂઆતમાં મોટા ફેરફારો થયા છે. એડિશનલ ડાયરેક્ટર જનરલ ઓફ પોલીસ (ADGP) અને ઈન્સ્પેક્ટર જનરલ ઓફ પોલીસ (IGP) તરીકે આઈપીએસ અધિકારીઓને બઢતી અપાઈ છે. જ્યારે 3 આઈપીએસ અધિકારીઓને ગ્રેડ પ્રમોશન અપાયો છે.
બે અધિકારીઓને ADGP તરીકે બઢતી આપાઈ
ઉલ્લેખનીય છે કે, સોમવારે સાંજે બહાર પાડવામાં આવેલા ઓર્ડર મુજબ રાજ્યના બે IPS અધિકારીઓને એડિશનલ ડાયરેક્ટર જનરલ ઓફ પોલીસ (ADGP) તરીકે બઢતી આપવામાં આવી છે. 1997 બેંચના IPS અનુપમ ગેહલોતને બઢતી આપી ADGP, CID (ઈન્ટેલિજન્ટ) ગાંધીનગરમાં નિમણૂંક કરવામાં આવ્યા છે. તેઓ હાલ IGP, CID, ગાંધીનગર ખાતે ફરજ બજાવતા હતા. સાથે જ 1997 બેંચના IPS ખુરશીદ અહેમદને પણ ADGP તરીકે બઢતી આપવામાં આવી છે. તેઓ રાજકોટ સીટીના સ્પેશિયલ પોલીસ કમિશનર (ટ્રાફિક અને ક્રાઈમ) તરીકે ફરજ નિભાવશે. તેના પહેલા તેઓ જોઈન્ટ પોલીસ કમિશનર, રાજકોટ સીટી (ટ્રાફિક અને ક્રાઈમ) તરીકે ફરજ નિભાવતા હતા.
ત્રણ IPS અધિકારીઓને IGP તરીકે બઢતી આપાઈ
આ સાથે રાજ્ય સરકારે ત્રણ IPS અધિકારીઓને ઈન્સ્પેક્ટર જનરલ ઓફ પોલીસ (IGP) તરીકે બઢતી આપી છે. 2004 બેંચના IPS સંદિપ સિંહ, 2004 બેંચના IPS ગૌતમ કુમાર એમ. પરમાર અને 2004 બેંચના ડી.એચ. પરમારને IGP તરીકે બઢતી આપવામાં આવી છે. મહત્વનું છે કે, સંદિપસિંહ રાજકોટમાં ડેપ્યુટી જનરલ ઓફ પોલીસ તરીકે ફરજ બજાવતા હતા. જ્યારે IPS ગૌતમકુમાર એમ. પરમાર એડિશનલ કમિશનર ઓફ પોલીસ, સેક્ટર-2, અમદાવાદમાં ફરજ નિભાવતા હતા અને IPS ડી.એચ. પરમાર ડેપ્યુટી ઈન્સ્પેક્ટર જનરલ ઓફ પોલીસ (M.T.) ગાંધીનગર ખાતે ફરજ નિભાવતા હતા.