શરમજનક / લો બોલો! PPE કિટ પહેરી ચોર સિવિલમાં કોરોનાથી મૃત્યુ પામેલ દર્દીનો સામાન ચોરતા હતા

• PPE કિટ પહેરીને કરતા હતા ચોરી
• સિવિલ હોસ્પિટલમાં કોરોનાના 4 મૃત દર્દીઓના ઘરેણા અને મોબાઈલ ચોરાયા હતા
• 2 આરોપીની પોલીસે કરી ધરપકડ

પોલીસ સૂત્રોના જણાવ્યાનુસાર હોસ્પિટલના સીસીટીવી કેમેરાના ફૂટેજ ચેક કર્યા પણ કશું જાણવા મળ્યું નહીં કારણકે તમામ લોકોએ PPE કિટ પહેરેલી હતી, આ કારણે કોઈની ઓળખ થઈ શકે તેમ નહોતી. પોલીસે રજિસ્ટર પત્રક ચેક કર્યું અને સ્ટાફની ડ્યૂટી અંગેની માહિતી મેળવી હતી. તપાસ બાદ શંકાના આધારે બે લોકોની અટકાયત કરવામાં આવી હતી. 
PPE કિટને પહેરી કરતા હતા ચોરી

અટકાયત કરવામાં આવેલ અમિત શર્મા અને તેના સાથી રાજ પટેલે પોતાનો ગુનો કબૂલ્યો છે. પોલીસે જણાવ્યું કે આ બંને આરોપીઓ હોસ્પિટલમાં PPE કિટ પહેરીને પ્રવેશ કરતા હતા અને ચોરી કરતા હતા. એવું જાણવા મળ્યું છે કે આ આરોપીઓ કોરોના વાયરસના કારણે મૃત્યુ પામનાર દર્દીઓના ઘરેણાં ચોરી કરતા હતા.

2 આરોપીઓની કરી ધરપકડ 

પોલીસે જણાવ્યું કે આ આરોપીઓ PPE કિટ પહેરીને હોસ્પિટલમાં જતા હતા અને કોરોના વાયરસના કારણે મૃત્યુ પામેલા લોકોના મૃતદેહ પરથી ઘરેણાં ચોરતા હતા. શાહીબાગ પોલીસના કહેવા અનુસાર સિવિલમાં કોરનાના દર્દીઓના મૃતદેહ પરથી ઘરેણા અને કિંમતી સામાન તેમજ મોબાઈલ ચોરીની ઘટનાની જાણકારી મળતા હોસ્પિટલમાં વધુ તપાસ હાથ ધરાઈ હતી. જેમાં આ ચોંકાવનારો ખુલાસો થયો હતો.