અપહરણ / જમ્મુ-કાશ્મીરમાં બે છોકરીઓના અપહરણ બાદ ધર્મ પરિવર્તન કરાવવાનો દાવો, સિખ સમાજ ભડક્યો તો જુઓ શું કર્યુ..

• શ્રીનગરમાં બે સિખ યુવતીઓનું અપહરણ 
• અપહ્યત યુવતીઓનું ધર્મપરિવર્તન કરાવામાં આવ્યું 
• ઘટનાને લઈને સિખ સમુદાયમાં રોષનો માહોલ 

જમ્મૂ કશ્મીરના શ્રીનગરમાં બે સિખ છોકરીઓનું અપહરણ કરીને તેમનું ધર્મ પરિવર્તન કરાયું હોવાનો બનાવ સામે આવ્યો છે. આ ઘટનાને કારણે સિખ સમાજમાં રોષનો માહોલ ફેલાયેલો છે. સમગ્ર મામલે સિખો દ્વારા વિરોધ પ્રદર્શન પણ કરવામાં આવ્યું છે. સાથેજ તેમની માગ છે કે સરકાર દ્વારા તેમની મદદ કરવામાં આવે. 

છોકરીઓ અપહરણકારોના સકંજામાં 

શ્રીનગરના બડગામ જિલ્લાનો આ બનાવ છે. જોકે હજુ પણ છોકરીઓ અપહરણકારોના સકંજામાં છે. જેથી સિખ સમુદાય સરકારને એવી માગ કરી રહ્યો છે, કે છોકરીઓને અપહરણકારોના સકંજામાંથી છોડાવે. જેથી સિખો દ્વારા વિરોધ પ્રદર્શનતો યથાવત રાખવામાં આવ્યું છે. 

વૃદ્ધો સાથે લગ્ન કરાવામાં આવ્યા 

શ્રીનગરમાં શિરોમણી અકાળી દળના નેતા મનજિંદર સિંહ સિરસાએ કહ્યું કે બંને છોકરીઓનું બંદૂકની અણીએ અપહરણ કરવામાં આવ્યું. બળજબરી પૂર્વક તેમનું ધર્મ પરિવર્તન પણ કરવામાં આવ્યું છે. સાથેજ વિધર્મી સાથે તેમના લગ્ન પણ કરાવી દેવામાં આવ્યા છે. જે લોકો સાથે લગ્ન કરાવામાં આવ્યા છે. તે લોકો વૃદ્ધો હોવાનું સામે આવ્યું છે. 

પરિણીત પુરુષ સાથે લગ્ન 

અકાળી દળના નેતા મનજિંદર સિંહ સિરસા ગુરુદ્વારા કમિટીના અધ્યક્ષ પણ છે. તેમના નેતૃત્વ હેઠળજ સિખો હાલ વિરોધ પ્રદર્શન કરી રહ્યા છે. તેમનું કહેવું છે કે જેની સાથે યુવતીના લગ્ન કરવામાં આવ્યા છે તે પહેલાથી પરિણીત છે. જેથી તેમણે કેન્દ્ર સરકારને વિનંતી કરી છે કે મધ્યપ્રદેશની જેમ અહીયા પણ ધર્માંતરણ કાનૂન લાગુ કરવામાં આવે.

કોર્ટની બહાર સિખોનું ધરણા પ્રદર્શન 

બડગામ ગુરુદ્વારા કમિટીના અધ્યક્ષ સંતપાલ સિંહનું કહેવું છે 18 વર્ષની સિખ યુવતીને લાલચ આપીને ફસાવામાં આવી છે. જ્યારે યુવતીને લગ્ન કરવા માટે કોર્ટમાં લઈ જઈ રહ્યા હતા. ત્યારે સિખ સમુદાય પણ ત્યા કોર્ટ પહોચ્યો હતો, જ્યા તેમણે ધરણા આપ્યા હતા. સાથેજ તેમણે એવી માગ કરી હતી. કે યુવતીને તેમને સોંપી દેવામાં આવે.

વિદેશથી આવે છે ફંડીંગ 

ઉલ્લેખનીય છે હાલજ ઉત્તરપ્રદેશમાં એક એવો બનાવ સામે આવ્યો હતો કે મુખ બધીર અને મજબૂર લોકોને નોકરીની લાલચ આપીને તેમનું ધર્મ પરિવર્તન કરાવામાં આવતું હતું. એટીએસની ટીમે આ મામલે મોહમ્મદ ઉમર ગૌતમની નામના આરોપીની ધરપકડ કરી છે. જોકે એટીએસની તપાસમાં એક ચોકવનારી એવી વાત સામે આવી છે. આરોપીને વિદેશથી ફંડીંગ મળતું હતું