GIDCમાં આવેલ પેટ્રોકેમ અને ફાર્મા કંપનીમાં પ્રોસેસિંગની કામગીરી દરમિયાન આગ, બ્લાસ્ટ થતા દિવાલ ધરાશાયી,મૃતકોની સંખ્યા વધી શકે
વલસાડના ઉમરગામની સરીગામ GIDCમાં આગ
વેન પેટ્રોકેમ એન્ડ ફાર્મા કંપનીમાં આગ
આગના કારણે 3 લોકોના મૃત્યુ, મૃત્યુઆંક વધે તેવી શક્યતા
4થી વધુ ફાયર ફાઈટરે આગ પર મેળવ્યો કાબૂ
પ્રોસેસિંગની કામગીરી દરમિયાન લાગી હતી આગ
વલસાડના ઉમરગામની સરીગામ GIDCમાં આગની ઘટના સામે આવી છે. વાત જાણે એમ છે કે, મોડીરાત્રે ઉમરગામની સરીગામ GIDCમાં અચાનક આગ ભભૂકી ઉઠી હતી. પ્રાથમિક વિગતો મુજબ આ ઘટનામાં 3 લોકોના મોત થયા છે. આ સાથે અનેક વ્યક્તિ ઘાયલ બન્યા હોવાનું પણ સામે આવ્યું છે. ઘટનાને લઈ તાત્કાલિક અસરથી ફાયરની ટીમે દોડી આવી આગ બુઝાવવાની કવાયત શરૂ કરી હતી. જોકે વિકરાળ આગની ઘટનામાં હજી પણ મૃત્યુઆંક વધી શકે છે.
વલસાડ જિલ્લાના ઉમરગામની સરીગામ GIDCમાં મધરાતે આગની ઘટના સામે આવી હતી. ઘટનાની વિગત એવી છે કે, ગઈકાલે મોડીરાત્રે વેન પેટ્રોકેમ એન્ડ ફાર્મા કંપનીમાં અચાનક ભીષણ આગ હતી. સ્થાનિક ચર્ચા મુજબ પ્રોસેસિંગની કામગીરી દરમિયાન આગ લાગતા બ્લાસ્ટ થયો હતો. આ સાથે અહી બ્લાસ્ટ થતા દિવાલ ધરાશાયી થઇ હતી.
Valsad, Gujarat| 2 died & 2 injured in a blast occurred at a company in Sarigam GIDC around 11 pm yesterday night. Reason of the blast is unknown. Rescue operation has been stopped temporarily, to be resumed in the morning. Dead bodies are yet to be identified: SP, Valsad pic.twitter.com/CzOnNetah5
4થી વધારે ફાયરની ટીમે આગ પર મેળવ્યો કાબૂ
ઉમરગામની સરીગામ GIDCમાં વેન પેટ્રોકેમ એન્ડ ફાર્મા કંપનીમાં મધરાત્રે આગ લગતા અફરાતફરીનો માહોલ સર્જાયો હતો. આ તરફ ઘટનાની જાણ થતાં જ 4થી વધારે ફાયરની ટીમો તાત્કાલિક સ્થળ ઉપર પહોંચી હતી. જ્યાં ભારે જહેમતને અંતે આગ ઉપર કાબૂ મેળવી લેવાયો છે.
3 લોકોના મોત, હજી મૃત્યુઆંક વધી શકે
સરીગામ GIDCમાં વેન પેટ્રોકેમ એન્ડ ફાર્મા કંપનીમાં આગની ઘટનામાં અત્યાર સુધી 3 લોકોના મોત થયાનું સામે આવ્યું છે. પ્રોસેસિંગની કામગીરી દરમિયાન આગ લાગતા બ્લાસ્ટ થયો હતો. અહી બ્લાસ્ટ થતા દિવાલ ધરાશાયી થઈ હોય હવે સંભવિત રીતે મૃતકોની સંખ્યામાં વધારો થઈ શકે છે.