અમેરિકા / ફ્લોરિડા યુનિવર્સિટીમાં ફાયરિંગમાં 2ના મોત, 20 વર્ષીય હુમલાખોરની ધરપકડ, માતાની સર્વિસ ગનથી કર્યો હુમલો

અમેરિકાના તલાહસીમાં ફ્લોરિડા સ્ટેટ યુનિવર્સિટીમાં ગોળીબારની ઘટનામાં બે લોકોના મોત થયા છે અને છથી વધુ લોકો ઘાયલ થયા છે. તલ્હાસી મેમોરિયલ હેલ્થકેરે જણાવ્યું હતું કે ગોળી વાગવાને કારણે ઘાયલોમાંથી એકની હાલત ગંભીર છે, જ્યારે અન્ય પાંચની હાલત સ્થિર છે.

એક શંકાસ્પદ વ્યક્તિને કસ્ટડીમાં લેવામાં આવ્યો છે, અને અધિકારીઓએ તે વ્યક્તિ પાસેથી એક હેન્ડગન જપ્ત કરી છે. યુનિવર્સિટીના વિદ્યાર્થી સંઘમાંથી એક બંદૂક પણ મળી આવી હતી અને શંકાસ્પદ વ્યક્તિના વાહનમાંથી બીજી બંદૂક મળી આવી હતી.

ફ્લોરિડા સ્ટેટ યુનિવર્સિટીમાં થયેલા ગોળીબારના શંકાસ્પદ વ્યક્તિની ઓળખ 20 વર્ષીય ફોનિક્સ એકનર તરીકે થઈ છે, તે લિયોન કાઉન્ટી પોલીસ અધિકારીનો પુત્ર છે અને લિયોન કાઉન્ટી શેરિફ ઓફિસ (LCSO) યુવા સલાહકાર પરિષદનો સભ્ય છે. આ હુમલામાં ઇકનરે તેની માતાની સર્વિસ ગનનો ઉપયોગ કર્યો હોવાનું માનવામાં આવે છે..હુમલાખોરની પણ સારવાર ચાલી રહી છે.

યુનિવર્સિટીની ઇમરજન્સી નોટિફિકેશન સિસ્ટમ, FSU એલર્ટે X પર ચેતવણી જારી કરીને કહ્યું, "વિદ્યાર્થી સંઘના વિસ્તારમાં એક સક્રિય શૂટર હોવાની જાણ કરવામાં આવી છે. પોલીસ ઘટનાસ્થળે છે. બધા દરવાજા અને બારીઓ બંધ કરો અને તેમનાથી દૂર રહો અને વધારાના રક્ષણાત્મક પગલાં લેવા માટે તૈયાર રહો."

આ પણ વાંચોઃ VIDEO: બેંગકોકમાં છોકરા સાથે મોટો કાંડ! જેને છોકરી સમજીને રોમાંસ કર્યો તે... જુઓ વીડિયો

આ ઘટના બાદ, યુનિવર્સિટીએ તમામ વર્ગો, કાર્યક્રમો અને વ્યવસાયિક કામગીરી રદ કરવાની જાહેરાત કરી છે. તલાહસીમાં તમામ એથ્લેટિક ઇવેન્ટ્સ પણ રદ કરવામાં આવી છે.

અમેરિકાના રાષ્ટ્રપતિ ડોનાલ્ડ ટ્રમ્પે કહ્યું કે તેમને ગોળીબારની માહિતી મળી છે. ઓવલ ઓફિસમાં પત્રકારો સાથે વાત કરતા ટ્રમ્પે કહ્યું, "" મને લાગે છે કે આ એક સક્રિય ગોળીબાર છે, આપણને ખબર છે કે આપણે અત્યારે ક્યાં છીએ. આ શરમજનક છે. આવી ઘટનાઓ બને તે ખૂબ જ ગંભીર છે, અને આપણે તેના વિશે પછીથી વધુ વાત કરીશું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ