મોત / બોટાદ ગામમાં બુધવારની સવાર શોકના સમાચાર લાવી, તળાવમાં ડુબી જવાથી 2 કિશોરના મોત

• લાઠીદડ ગામે તળાવમાં ડુબી જવાથી 2 કિશોરના મોત
• ગઇકાલે બપોરથી બંને કિશોર હતા ગુમ 
• તળાવમાંથી બંને કિશોરના મૃતદેહ મળી આવ્યા 

બોટાદમાં લાઠીદડ ગામે ગઈ કાલ બપોરથી બે કિશોર ગુમ થઈ ગયા હતા તેમની શોધખોળમાં લાગેલા ગ્રામજનોને તે કેમેય કરીને જડ્યા નહોતા પરંતુ આજે વહેલી સવારે ગામના તળાવમાં બંને કિશોરના મૃતદેહ મળી આવ્યા હતા. બંને કિશોરના પરિવારજનો બાળુળાઓના મૃતદેહ જોઈને હેબતાઈ ગયા હતા અને માતાઓના આક્રંદે વાતાવરણને ગમગીન બનાવી દીધુ હતુ. 

ગામમાં સજ્જડ શોક

ઘટના સ્થળ પર પહોંચેલી પોલીસે હાલ યુવકના મૃતદેહને પોસ્ટ મોર્ટમ રિપોર્ટના માટે હોસ્પિટલ મોકલી આપ્યા છે. પોસ્ટ મોર્ટમ રિપોર્ટના આધારે વધુ તપાસ હાથ ધરશે. બાળકો રમતા રમતા તળાવમાં પડી ગયા કે કોઈએ જાણી જોઈને ધક્કો દીધો? હાલ તો બંને કિશોરના મોતને કારણે ગામ સજ્જડ શોક પાડી રહી છે.