જાપાન / એક વ્યક્તિનો ચાકૂથી 20 લોકો પર હુમલો, 2નાં મોત, 17ને ઇજા

ટોકિયાના એક અધિકારીના જણાવ્યા અનુસાર આ હુમલા પાછળ શું કારણ જવાબદાર હતું તે હજુ સુધી જાણી શકાયું નથી. આ હુમલામાં એક બાળક અને એક વયસ્ક વ્યક્તિનું મોત નિપજ્યું હોવાના અહેવાલ પ્રાપ્ત થયા છે. આ હુમલા બાદ પોલિસે ચાકુથી હુમલો કરનાર વ્યક્તિની ધરપકડ કરી લીધી છે.
 

સૂત્રોને મળતી જાણકારી મુજબ પોલીસને હુમલોખોર પાસેથી બે ચાકૂ મળ્યાં છે. જો કે પોલીસે આ હુમલાખોરની ધરપકડ કરી તે પહેલા પોતાના ખભા પર ચાકૂ મારી પોતાની જાતને પણ ઇજા પહોંચાડી છે.
 

ફાયર વિભાગના અધિકારીના જણાવ્યા અનુસાર સ્થાનિક સમય મુજબ સવારે 8 વાગ્યાની આસપાસ અમને કોલ મળી. જો કે પોલીસના જણાવ્યા અનુસાર હાલમાં સ્થિતિ પર નિયંત્રણ કરવામાં આવ્યું છે અને રાહત અને બચાવ કાર્ય માટે મેડિકલની ટીમ ઘટનાસ્થળે પહોંચીને કાર્યવાહી કરી રહી છે.