ડેલ્ટા પ્લસ અંગે રાજ્ય સરકારે માહિતી આપી કે, ડેલ્ટા પ્લસના બે કેસ આવ્યા હતા, વડોદરા અને સુરતમાં બે કેસ આવ્યા હતા, બંને વ્યક્તિ પર મોનિટરીંગ કરવામાં આવી રહ્યું છે
આરોગ્ય ACS મનોજ અગ્રવાલનું નિવેદન
ડેલ્ટા પ્લસ અંગે રાજ્ય સરકારે આપી માહિતી
વડોદરા અને સુરતમાં બે કેસ આવ્યા હતા
ગુજરાતમાં ડેલ્ટા પ્લસ કેસ અંગે ગાંધીનગર આરોગ્ય ACS મનોજ અગ્રવાલનું નિવેદન સામે આવ્યું છે. ડેલ્ટા પ્લસ અંગે રાજ્ય સરકારે માહિતી આપી કે, ડેલ્ટા પ્લસના બે કેસ આવ્યા હતા. વડોદરા અને સુરતમાં બે કેસ આવ્યા હતા. બંને વ્યક્તિ પર મોનિટરીંગ કરવામાં આવી રહ્યું છે. બંને વ્યક્તિઓ સંપર્કમાં આવેલ તમામનુ ટેસ્ટિંગ કરાયું હતું. સંપર્કમા આવેલ તમામ લોકો સુરક્ષિત છે કોઇ ચેપ જોવા મળ્યો નથી.
ગુજરાતમાં ડેલ્ટા પ્લસના બે કેસો આવ્યા હતા. આ બંને કેસ જૂના છે. સુરતમાંથી 10 એપ્રિલે એક વ્યક્તિના સેમ્પલ લેવામાં આવ્યો હતો. જેનો રિપોર્ટ હાલમાં આવ્યો છે. જે વ્યક્તિમાં કોરોનાનો ડેલ્ટા પ્લસનો વેરિયન્ટ જોવા મળ્યો હતો. તે હવે એકદમ સારા છે. તેમના સંપર્કમાં આવેલા લોકોની પણ તપાસ કરાઈ હતી. સુરતમાં ડેલ્ટા વેરિયન્ટનો પ્રથમ કેસ સામે આવ્યો હતો. તો બીજો કેસ વડોદરાના વ્યક્તિમાં જોવા મળ્યો હતો. વડોદરાના આ વ્યક્તિ ગુજરાત બહાર ગયા હતા. તેમના સેમ્પલ પણ ગુજરાત બહારથી જ લઈ મહારાષ્ટ્રની લેબમાં મોકલવામાં આવ્યા હતા. જે બાદ તે સાજા થઈને વડોદરા આવ્યા છે.
મહારાષ્ટ્રમાં શુક્રવારે રત્નાગિરિ જિલ્લામાં ડેલ્ટા પ્લસ વેરિયન્ટના સંક્રમણને કારણે 80 વર્ષીય મહિલાનું મોત નીપજ્યું છે. આ બાદ મહારાષ્ટ્ર સરકારે કડક નિયમો લાગુ પાડયા છે. કારણકે ડેલ્ટા પ્લસ વેરિયન્ટ અત્યાર સુધી મહારાષ્ટ્ર રાજ્યમાં 21 કેસ સામે આવ્યા છે. રાજય સરકારે આ માટે કહ્યું કે કોરોનામાં લોકોને આપવામાં આવેલી છૂટ લોકોના સ્વાસ્થ્યની કિંમત પર નથી આપી. સાથે જ સરકારે કડક વલણ અપનાવતા કહ્યું છે કે બધા જ ટેસ્ટ RT- PCR થશે, સાથે જ આપેલ છૂટ પર પ્રતિબંધ લાવવામાં આવ્યો છે.
પંજાબમાં કોરોનાની બીજી લહેર ઓછી થઈ રહી છે એવામાં લોકો રાહતનો શ્વાસ લઈ રહ્યા છે પરંતુ આ વચ્ચે એક ચિંતાની વાત પણ સામે આવી છે પંજાબમાં પણ કોરોનાનો ડેલ્ટા પ્લસ વેરિએન્ટનો મામલો સામે આવ્યો છે. પંજાબમાં ડેલ્ટા પ્લસનો એક કેસ સામે આવ્યો છે. ઘણા અન્ય સેમ્પલ પણ જીનોમ સીક્વન્સિંગ માટે મોકલવામાં આવ્યા છે.
મધ્યપ્રદેશમાં એકનું મોત, સરકાર એલર્ટ
મધ્યપ્રદેશમાં કોરોનાના ડેલ્ટા પ્લસ વેરિએન્ટના કારણે એક મોત થઈ ગઈ છે. જ્યારે અત્યાર સુધી કુલ સાત કેસ સામે આવ્યા છે. મધ્ય પ્રદેશના ઉજ્જૈનમાં એક મહિલાનું મોત ડેલ્ટા પ્લસના કારણે થયું છે. મધ્યપ્રદેશના મેડિકલ એજ્યુકેશન મંત્રી વિશ્વાસ સારંગે જણાવ્યા અનુસાર રાજ્યમાં અત્યાર સુધી વેરિએન્ટથી એક મોત નોંધવામાં આવી છે. જેટલા અન્ય કેસ આવ્યા છે તેના પર સરકારની નજર છે.
શું છે ડેલ્ટા પ્લસ વેરિએન્ટના લક્ષણો?
ડેલ્ટા પ્લસ વેરિએન્ટના સામાન્ય લક્ષણોમાં, સુકી ખાંસી, તાવ અને થાક લાગે છે, ત્યાં જ તેના ગંભીર લક્ષ્ણોની વાત કરીએ તો તેમાં છાતીમાં દુખાવો, શ્વાસ ફુલવો અથવા શ્વાલ લેવામાં તકલીફ અને વાત કરવામાં તરલીફ થઈ શકે છે. WHOના સ્વાસ્થ્ય અધિકારીઓએ અમુક સામાન્ય લક્ષણો જણાવ્યા છે જેમાં ત્વચા પર ચાઠા પગની આંગળીઓના રંગમાં ફેરફાર થવો ગળોમાં ખીચખીચ, સ્વાદ અને ગંધ ન આવવી, દસ્ત અને માથાનો દુખાવો સામેલ છે.
વિશ્વના 85 જેટલા દેશોમાં ડેલ્ટા વેરિઅન્ટના કેસ જોવા મળ્યા
ડેલ્ટા પ્લસ વેરિઅન્ટને લઇ વિશેષજ્ઞોએ ચિંતા વ્યક્ત કરી છે. વિશ્વના 85 જેટલા દેશોમાં ડેલ્ટા વેરિઅન્ટના કેસ જોવા મળ્યા છે. ત્યારે ભારતમાં અત્યાર સુધી 40 જેટલા ડેલ્ટા પ્લસ વેરિઅન્ટના કેસ સામે આવી ચૂક્યા છે. વિશેષજ્ઞોએ ડેલ્ટા વેરિઅન્ટને લઇ કહ્યું કે ડેલ્ટા વેરિઅન્ટના સંક્રમણ સામે વેક્સિન પણ બેઅસર થઇ શકે છે. કારણ કે ડેલ્ટા વેરિઅન્ટ અન્ય વાયરસથી વધુ ઘાતક છે. કોરોનાનો આલ્ફા વેરિઅન્ટ 170 દેશમાં, બીટા 119 દેશમાં ફેલાઇ ચૂક્યો છે. જ્યારે કોરોનાનો ગામા વેરિઅન્ટ 71 અને ડેલ્ટા વેરિઅન્ટ 85 દેશમાં ફેલાયો છે. કોરોનાનો ડેલ્ટા વેરિઅન્ટ ઝડપી ફેલાઇ રહ્યો છે. મળતી માહિતી મુજબ કોરોનાનો ડેલ્ટા વેરિઅન્ટ બે સપ્તાહમાં 11 દેશમાં ફેલાઇ ચૂક્યો છે. જેને લઇ WHO ડેલ્ટા વેરિઅન્ટ પર નજર રાખી રહ્યું છે.