500થી વધારે લોકોને 2 કલાકમાં 5થી 6 હજાર રૂપિયા કમાવાની તકનાં નામે છેતરપિંડી કરતી ગેંગની પોલીસે ધરપકડ કરી.
નોઈડામાં 2 આરોપીઓની પોલીસે કરી ધરપકડ
જોબ ઓફરનાં નામે કરતાં હતાં લૂંટ
મહિલાનો અવાજ કાઢી કરતાં હતાં છેતરપિંડી
'માત્ર 2 કલાકમાં 5000-6000 રૂપિયા કમાઓ. આ લિંક પર ક્લિક કરો, બેરોજગાર યુવાનો માટે ઉત્તમ મોકો. કલાકોમાં કમાઓ 5થી 10000 રૂપિયા' આવા મેસેજ તમારા ફોન પર અનેક વખત આવ્યાં હશે. કેટલાક લોકો તેને છેતરપિંડી સમજીને ઈગ્નોર કરે છે તો કેટલાક લોકો વાતોમાં અટવાઈ જાય છે. આવો જ એક કિસ્સો નોઈડામાં 2 ભાઈઓ દ્વારા બન્યો છે.
500થી વધુ લોકોને આ રીતે છેતર્યાં
પોલીસ અનુસાર બંને ભાઈઓ 12મું પાસ છે. પરંતુ બંનેએ દેશભરથી લગભગ 500થી 600 લોકોને ઠગ્યાં છે. આ લોકો યુવકોથી ક્યારેય મેંબરશિપનાં નામે પૈસા લેતા હતાં તો ક્યારેક કસ્ટમરથી મળાવવાનાં નામે . આ લોકો ફેમસ સ્પા સેંટર્સ અને હોટેલ્સમાં હાઈ પ્રોફાઈલ મહિલાઓથઈ મીટિંગ કરાવવાનાં નામે પૈસા ઠગતાં હતાં, આ રીતે એક પીડિતથી બંને ભાઈઓએ 1થી 1.5 લાખ રૂપિયા લૂંટી લીધા હતાં.આરોપી મહિલાની અવાજમાં ગ્રાહક બની લોકો સાથે વાત કરતાં હતાં. આરોપીઓની પાસે 500થી વધારે યુવકોની સાથેની ચેટ મળી આવી છે. આ મામલામાં વધુ તપાસ કરવામાં આવી રહી છે.
જોબ ઓફર કરી ઠગતાં
બંને ભાઈઓ 40થી 50 બેરોજગાર લોકો સાથે દરરોજ સંપર્ક કરતાં હતાં અને તેમને એક ખાસ પ્રકારની ઓફર આપતાં હતાં. આ પ્રકારનાં સ્કેમમાં મોટાભાગે IT સેક્ટર કે કોન્ટેન્ટ સાથે જોડાયેલી નોકરીઓની વાત કહેવામાં આવે છે. પરંતુ આ અલગ હતું. આ 2 ભાઈઓ લોકોને છેતરીને જીગોલો બનાવવાનો પ્રયાસ કરી રહ્યાં હતાં. બંને પાર્ટ ટાઈમ જોબ અને ફ્રેંડશિપ ક્લબનો પ્રચાર સોશિયલ મીડિયાનાં અલગ-અલગ પ્લેટફોર્મ પર કરતાં હતાં.
પોલીસે કરી શાનદાર રીતે ધરપકડ
કેટલાક દિવસો પહેલાં નોકરીનાં નામે ઠગીની એક ફરિયાદ નોઈડનાં સેક્ટર 58નાં સ્ટેશનમાં નોંધાઈ હતી.આ મામલામાં પોલીસે તપાસ કરી અને બંનેની ધરપકડ કરી. નોઈડાનાં ADCP શક્તિ મોહન અવસ્થીએ જણાવ્યું કે આરોપી કેતન અરોડા અને ચિરાગ ગાઝિયાબાદનાં રાજનગર એક્સેટેંશનમાં રહે છે. મીડિયા જાણકારી અનુસાર પોલીસે આ બંનની પાસે 13 મોબાઈલ, 10 ડેબિટ કાર્ડ, 3 આધાર કાર્ડ, પાનકાર્ડ, ફેક અડ્રેસ માટે 4 સીમ, 29 હજાર રૂપિયા કેશ અને પાંચ બેંક ખાતાઓ મળ્યાં છે.
માહિતી અનુસાર તપાસ કરતાં સમયે પોલીસે સોશિયલ મીડિયા પ્લેટફોર્મ પર આ ભાઈઓની ફેક આઈડી પર સંપર્ક કર્યો. એ જ રીતે જેવી રીતે આ ઠગ બેરોજગારોને ફસાવતા હતાં. પછી ઠગોએ પોલીસવાળાઓને પણ જીગોલો બનાવવા અને હજારોની કમાણી કરવાની ઓફર આપી. પોલીસકર્મીઓએ મેસેજ કર્યો અને ફોન પર વાત કરીને તેમની લોકેશન ડિટેલ્સ મેળવી લીધી અને છેલ્લે બંનેની ધરપકડ કરી.
આવા ફેક પેજ બનાવી છેતરતાં
કેતન અને ચિરાગ અરોડાએ સોશિયલ મીડિયા પર રાધિકા ફ્રેન્ડઝ ક્લબ, ડ્રીમ ફ્રેંડ્ઝ ક્લબ, સાથિયા ફ્રેંડ્ઝ ક્લબનાં નામે પેજ બનાવ્યાં અને આ માધ્યમથી જ લોકો પર નિશાનું સાધ્યું.