સાણંદમાં IOCની પાઈપમાં પંચર પાડી ક્રૂડ ઓઈલની ચોરી થતી હોવાનું સામે આવ્યું છે. મળતી માહીતી પ્રમાણે માધવનગર-ગોરજ રોડ પર ખેતરમાં પાઈપલાઈનમાંથી કેટલાક શખ્સો છેલ્લા બે મહિનાથી ચોરી કરતા હતા. પાઈપલાઈનમાં પંચર કરી વાલ્વ બેસાડી ઓઇલની ચોરી કરતા બે લોકોની પોલીસે ઘરપકડ કરી છે જ્યારે 3 આરોપીઓ ફરાર થઇ ગયા છે.
વીરમગામથી બરોડા ઈન્ડિયન ઓઈલ કંપનીનીએ પાઈપ લાઈન પાથરી વિરમગામથી કાચુ ક્રુડ ઓઈલ બરોડા રિફાઈનરીમાં મોકલમાં આવે છે અને ત્યાં ક્રુડમાંથી કેરોશીન ડીઝલ પેર્ટોલ છુટુ પાડલમાં આવે છે. આ પાઈપ લાઈન વીરમગામથી સાણંદ થઈ ખેતરો-ખેતરોમાંથી બરોડા જતી હોવાથી અમુક શખ્શોએ ચોરીના ઈરાદે પાઈપ લાઈનમાં સાણંદ નજીકના માધવનગર-ગોરજ રોડ વચ્ચે આવેલા એક ખેતરમાં પાઈપલાઈનમાં પંચર કર્યું હતુ અને રાત્રીના સમયમાં રોજ ટેન્કરો ભરી ઓઈલની મોટા પ્રમાણમાં ચોરી કરતા હતા જે વાતની પોલીસને જાણ થતા પોલીસે તપાસ હાથ ધરી અને બે લોકોની ધરપકડ કરી હતી.
પોલીસને બાતમી મળતા આ ચોરોને પકડવા પોલીસે ચક્રો ગતીમાન કર્યા અને નવઘણભાઈ દેવાભાઈ ઠાકોર અને વનરાજભાઈ ઉર્ફે પિન્ટુ રાજુજી ઠાકોરની અટકાયત કરવામાં આવી છે આ બંન્ને આરોપીઓ ટેન્કર જયારે ભરાતુ હોય ત્યારે હાજર રહેતા હતા અને રેકી કરતા હતા કે કોઈ ટેન્કર ભરાય છે ત્યાંથી પસાર થાય છે કે કેમ ખેડુતો જાગી ન જાય અથવા પોલીસ ત્યાંથી પસાર થાય તો ટેન્કર ભરનારને માહિતી આપી શકાય તેવી રેકી કરતા હતા જ્યારે અમિત રણછોડભાઈ ઠાકોર ભાવેશ પટેલ બારેજા અને સુનિલ બાલાભાઈ ઠાકોરનું નામ મુખ્ય આરોપીઓમાં આવી રહ્યું છે જેઓ ઓઈલ ચોરીને સંપુર્ણ અંજામ આપી આગળ વેચતા હતા.
ઓઈલ ચોરી એ દેશ દ્વોહી પ્રવૃતિમાં મનાય છે અને આટુલુ મોટુ ચોરીનું કૌંભાડ જ્યારે પોલીસે પકડ્યુ ત્યારે ખ્યાલ આવ્યો કે આ લોકો બે મહિના પહેલા અહીં પંચર કર્યું અને અને પંદર દિવસ પહેલા 10થી 15 જેટલા ટેન્કર ક્રુડની ચોરી કરી છે. એ ક્રુડ ક્યાં સપ્લાય થતો હતો તે અંગે પોલીસની તાપસ ચાલુ અને પણ મહત્વનું છે કે. ઈન્ડિયન ઓઈલની આટલી મોટી અને જાડી પાઈપ લાઈનમાં પંચર કરી કોઈને ખ્યાલ ન આવે તે રીતે બે મહિના સુધી ઓઈલની સતત ચોરી કરતા રહ્યા અને વેચતા રહ્યા આ આરોપીઓ.