ઓસ્ટ્રેલિયા વિરુધ્ધની પ્રથમ ટેસ્ટના ત્રીજા દિવસના અંતે ભારતે ત્રણ વિકેટના નુકસાન પર 151 રન બનાવી લીધા છે. આ સાથે પંદર રનની લીડ સાથે ભારતના 166 રન થયા છે.
ત્રીજા દિવસના અંતે રહાણે 1 રન પર અને પુજારા 40 રન બનાવી અણનમ રહ્યાં છે. આ અગાઉ ભારતના 250 રનના જવાબમાં ઓસ્ટ્રેલિયાની પુરી ટીમ પ્રથમ ઇનિંગ્સમાં 235 રનમાં ઓલ આઉટ થઇ ગઇ હતી.
ભારતીય ટીમના ઓપનરે બીજી ઇનિંગ્સમાં મજબૂત શરૂઆત કરી હતી. રાહુલ 44 રન બનાવી આઉટ થયો હતો. વિરાટ કોહલી 34 રન બાનવી આઉટ થઇ ગયો હતો.
ભારત-ઓસ્ટ્રેલિયા વચ્ચે ચાર ટેસ્ટની શ્રેણીની પ્રથમ ટેસ્ટ મેચના ત્રીજા દિવસે ઓસ્ટ્રેલિયાની પ્રથમ ઇનિંગ્સ 235 રનમાં સમેટાઇ છે. હેડ 72 અને હેઝલવુડને 0 રનમાં શમીએ સતત બે બોલમાં આઉટ કરી ઓલઆઉટ કરી દીધુ.
બંને કેચ ઋષભ પંતે પકડયા. આ સાથે ઋષભ પંતે આ મેચમાં છ કેચ પકડયા. આ સાથે ભારતને 15 રનની મહત્વની લીડ પ્રાપ્ત થઇ છે. ઋષભ પંત એક જ ઇનિંગ્સમાં સંયુક્ત રીતે સૌથી વધુ કેચ પકડનાર વિકેટ કિપર બન્યો છે.
આ અગાઉ સ્ટાર્કને 15 રને બુમરાહે આઉટ કર્યો. જો કે ત્રીજા દિવસની રમતના પ્રારંભે વરસાદના કારણે મેચ સ્થગિત કરવામાં આવી હતી. બીજા દિવસના અંતે ઓસ્ટ્રેલિયાએ સાત વિકેટના નુકસાન પર 191 રન બનાવ્યા હતા. ભારત તરફથી બુમરાહે અને અશ્વિને ત્રણ-ત્રણ વિકેટ ઝડપી જ્યારે ઇશાંત શર્મા અને શમીએ બે-બે વિકેટ ઝડપી.