ICC વર્લ્ડ કપ 2019ની પહેલી મેચ ગુરુવારે ઇંગ્લેન્ડ અને સાઉથ આફ્રિકાની વચ્ચે ધ ઑવલના ગ્રાઉન્ડ પર રમાશે. આ બંને ટીમ અત્યાર સુધી એક પણ વખત વર્લ્ડ કપ જીતી નથી.
મેચ ભારતીય સમાયનુસાર બપોરે 3 વાગ્યથી રમાશે, જેનું ટેલિકાસ્ટ સ્ટાર સ્પોર્ટ્સ નેટવર્ક પર કરવામાં આવશે. વનડે વર્લ્ડ કપમાં ઇંગ્લેન્ડ અને સાઉથ આફ્રિકાની વચ્ચે અત્યાર સુધી 6 મેચ રમાઇ છે, જેમાં બંનેએ 3-3 મેચ જીતી છે.
ઉલ્લેખનીય છે કે, ઇંગ્લેન્ડની ટીમને હવે તે ટીમ માનવામાં આવે છે જેના માટે કોઇ પણ ટાર્ગેટ પૂરો કરવો અસંભવ નથી. ગત 2 વર્ષોમાં આ ટીમે જેટલા હાઇ સ્કોર મેચ રમી છે, તેટલી ભાગ્યે જ કોઇ ટીમે રમી હશે. આ ટીમની બૉલિંગ શાનદાર છે.
મેચ પહેલાની પ્રેસ કોન્ફ્રન્સમાં ઇંગ્લેન્ડના ઓઇન મોર્ગને કહ્યું હતું કે તેમણે પોતાની પ્લેઈંગ 11 નક્કી કરી લીધી છે. મોર્ગન માર્ક વુડ અને લિયમ પ્લન્કેટ વચ્ચે કોને પસંદ કરે છે તે જોવાનું રહેશે. વુડ ઇજા પછી વાપસી કરી શકે છે, તો પ્લન્કેટ 2015ના વર્લ્ડકપ પછી ઇંગ્લેન્ડ માટે સૌથી વધુ વિકેટ ઝડપનાર ફાસ્ટ બોલર છે. વુડ પાસે ઝડપ છે, જયારે પ્લન્કેટ પાસે કન્સીસ્ટન્સી છે.
On the eve of England's World Cup opener against South Africa, #EoinMorgan talks about coming into the tournament as the world number one ODI team and red-hot favourites on home soil. pic.twitter.com/z9OMcUUMXE
— Cricket World Cup (@cricketworldcup) May 29, 2019
સાઉથ આફ્રિકાની વાત કરવામાં આવે તો, આ ટૂર્નામેન્ટ પહેલા એક ખરાબ સમાચાર છે. ટીમના સૌથી અનુભવી ફાસ્ટ બૉલર ડેલ સ્ટેનને ખભા પર ઇજા થવાથી મેચની બહાર થઇ ગયા હતા, સ્ટેન સિવાય ટીમની પાસે કૈગિસો રબાડા અને લુંગી નગિદી જેવા બૉલર છે જેમને પ્રેક્ટિસ મેચમાં સારુ ફોર્મ આપ્યુ હતુ.