— India Meteorological Department (@Indiametdept) December 1, 2021
હવામાન વિભાગે ગુજરાત અને મહારાષ્ટ્રમાં ભારે વરસાદની આગાહી કરી
ભારતીય હવામાન વિભાગ (IMD) એ બુધવારે ઉત્તર ગુજરાત અને ઉત્તર અને ઉત્તર-પશ્ચિમ મહારાષ્ટ્રમાં ભારે વરસાદની ચેતવણી જાહેર કરી છે. આગાહી અનુસાર, ભારે વરસાદને કારણે પાલઘર, થાણે અને મુંબઈ સૌથી વધુ પ્રભાવિત થઈ શકે છે. ચક્રવાતી તોફાન શનિવારે સવારે આંધ્રપ્રદેશ અને ઓડિશાના દરિયાકાંઠે પણ ટકરાઈ શકે છે.વિભાગે મંગળવારે કહ્યું કે ચક્રવાતી તોફાન શનિવારે સવારે આંધ્રપ્રદેશ અને ઓડિશાના દરિયાકાંઠાના વિસ્તારોમાં પહોંચવાની સંભાવના છે. હવામાન વિભાગે જણાવ્યું કે, થાઈલેન્ડ અને તેની આસપાસના વિસ્તારોમાં સવારે 8.30 વાગ્યે લો પ્રેશરનો વિસ્તાર રહ્યો હતો. આગામી 12 કલાકમાં તે આંદામાન સમુદ્ર સુધી પહોંચે તેવી શક્યતા છે.
ગુજરાતમાં વહેલી સવારથી મૌસમના મિજાજમાં બદલાવ આવ્યો
ગુજરાતના કેટલા ભાગોમાં વરસાદ શરૂ થઈ ગયો છે. બુધવારે સવારથી જ મૌસમના મિજાજમાં બદલાવ આવ્યો છે. તમને જણાવી દઈએ કે, હવામાન વિભાગે આજે અને આવીકાલ માટે ઘણાં ભાગોમાં ભારે વરસાદની ચેતવણી આપી છે. હવામાન વિભાગે જાહેર કરેલી ચેતવણી અનુસાર નીચા દબાણનો વિસ્તાર પશ્ચિમ-ઉત્તરપશ્ચિમ તરફ આગળ વધે અને 2 ડિસેમ્બર સુધીમાં દક્ષિણપૂર્વ અને અડીને આવેલા મધ્ય બંગાળની ખાડીમાં ડિપ્રેશનમાં ફેરવાય તેવી શક્યતા છે. તે આગામી 24 કલાકમાં મધ્ય બંગાળની ખાડીમાં ચક્રવાતી વાવાઝોડામાં પરિવર્તિત થવાની સંભાવના છે.
5-6 ડિસેમ્બરે પૂર્વી રાજ્યોમાં પણ વરસાદ વધી શકે છે
IMDએ દરિયાકાંઠાના ઓડિશાના અલગ-અલગ સ્થળોએ 'ભારેથી ખૂબ ભારે વરસાદ' અને ઓડિશાના અડીને આવેલા આંતરિક જિલ્લાઓ, પશ્ચિમ બંગાળના દરિયાકાંઠાના જિલ્લાઓ અને ઉત્તર કોસ્ટલ આંધ્ર પ્રદેશમાં અલગ-અલગ સ્થળોએ 'ભારેથી ખૂબ ભારે' વરસાદની આગાહી કરી છે. IMDએ કહ્યું કે, "ઉત્તર-પૂર્વીય રાજ્યોમાં પણ 5-6 ડિસેમ્બરે વધેલા વરસાદમાં વધારો થવાની સંભાવના છે." ઓડિશામાં નીચા દબાણવાળા વિસ્તારની હિલચાલ અને તેની અસર વિશે વિસ્તૃત માહિતી આપતા, IMD DG મૃત્યુંજય મહાપાત્રાએ કહ્યું, "જો કે તે 4 ડિસેમ્બરની સવારે ઓડિશા અને ઉત્તર આંધ્રપ્રદેશના દરિયાકાંઠે હશે, પરંતુ તરત જ દરિયાકાંઠે અથડાશે નહીં." તે ધીમે ધીમે ઉત્તર-ઉત્તર-પૂર્વ દિશામાં આગળ વધશે.