ઓસ્ટ્રેલિયાએ મુંબઈમાં રમાયેલી પ્રથમ વનડે મેચમાં ભારતને 10 વિકેટથી હરાવીને ત્રણ મેચની વનડે સિરીઝમાં 1-0ની લીડ મેળવી હતી. ટોસ હાર્યા બાદ ટીમ ઈન્ડિયા પહેલા બેટિંગ કરવા ઉતરી હતી અને 49.1 ઓવરમાં 255 રનમાં ઓલઆઉટ થઈ ગઈ હતી.
ઓસ્ટ્રેલિયાએ ભારતને 10 વિકેટથી આપ્યો પરાજય
વોર્નર અને ફિંચે કરી દમદાર બેટિંગ
ભારતીય ટીમે આપ્યો હતો 256 રનનો ટાર્ગેટ
આ સાથે જ ભારતે ઓસ્ટ્રેલિયાને જીત માટે 256 રનનો લક્ષ્યાંક મળ્યો હતો. જેના જવાબમાં ઓસ્ટ્રેલિયાએ લક્ષ્ય કોઈ પણ વિકેટ ગુમાવ્યા વિના 37.4 ઓવરમાં હાંસલ કરી લીધું હતું.
Innings Break!
After being put to bat first, #TeamIndia are all out for 255 in 49.1 overs.
ડેવિડ વોર્નર 128 અને કેપ્ટન એરોન ફિંચ 110 રને અણનમ રહ્યા હતા. બંનેએ દમદાર બેટિંગ કરીને ભારત સામેની સૌથી મોટી ભાગીદારીનો રેકોર્ડ બનાવ્યો હતો. આ પહેલા 1997 માં વેસ્ટ ઈન્ડિઝના શિવનારાયણ ચંદરપૌલ અને સ્ટુઅર્ટ વિલિયમ્સે અણનમ 200 રનની ભાગીદારી કરી હતી.
ફિંચે 16 મી અને વોર્નરે 18 મી સદી ફટકારી હતી. બંનેએ સતત 5 મી વખત ભારત સામે 50+ રનની ભાગીદારી કરી. આ પહેલા પાકિસ્તાનના સઈદ અનવર અને આમિર સોહેલે 1994 થી 1996 દરમિયાન છ વખત આ કામ કર્યુ હતું.
ટીમ ઈન્ડિયા 49.1 ઓવરમાં 255 રનમાં ઓલઆઉટ થઈ ગઈ હતી. આ સાથે જ ઓસ્ટ્રેલિયાને જીત માટે 256 રનનો લક્ષ્યાંક મળ્યો હતો. ભારત તરફથી શિખર ધવને સૌથી વધુ 74 રન બનાવ્યા જ્યારે કેએલ રાહુલે 47 રનની ઇનિંગ્સ રમી. ઓસ્ટ્રેલિયા તરફથી મિશેલ સ્ટાર્કે સૌથી વધુ ત્રણ વિકેટ ઝડપી હતી. કમિન્સ અને રિચાર્ડસનને બે સફળતા મળી હતી. ઝમ્પા અને એશ્ટનને એક-એક વિકેટ મળી.
ટીમ ઈન્ડિયએ રોહિત શર્મા અને શિખર ધવનની શરૂઆતની જોડી સાથે સારી શરૂઆતની આશા રાખી હતી, પરંતુ તે થયું નહીં. પાંચમી ઓવરના ત્રીજા બોલ પર મિશેલ સ્ટાર્કે રોહિત શર્માને આઉટ કર્યો હતો. મિશેલ સ્ટાર્કે રોહિત શર્માને ડેવિડ વોર્નરના હાથે કેચ આઉટ કર્યો હતો. રોહિત શર્મા 10 રન બનાવીને આઉટ થયો હતો. આ પછી શિખર ધવન અને લોકેશ રાહુલે 121 રનની ભાગીદારી નોંધાવી હતી.