1993ના મુંબઇ બ્લાસ્ટમાં મળી મોટી સફળતા મોસ્ટ વોન્ટેડ અબૂ બકર દુબઇથી ઝડપાયો

1993માં મુંબઈમાં થયેલા સિરીયલ બોંબ બ્લાસ્ટ મામલે ભારતીય એજન્સીઓને દુબઈમાં મોટી સફળતા મળી છે. આ મામલે સુરક્ષા એજન્સીઓ ભારતના બે મોસ્ટ વોન્ટેડ આરોપીઓને ઝડપી લીધા છે. ઝડપાયેલા એક આતંકીની ઓળખ અબૂ બકર તરીકે થઈ છે.

અબૂ બકર પાક અધિકૃત કશ્મીરમાં ટ્રેનિંગ લીધી હતી અને RDX લાવવામાં અને અંડરવર્લ્ડ ડોન દાઉદ ઈબ્રાહિમના દુબઈ સ્થિત મકાનમાં ષડયંત્ર રચવામાં સામેલ હતો.

એજન્સીઓ મુજબ મુંબઈ બોંબ બ્લાસ્ટમાં અબૂ બકર મુખ્ય ષડયંત્રકારીઓમાંનો એક હતો અને પાકિસ્તાન અને UAEમાં રહેતો હતો. એજન્સીઓએ ગુપ્તચર ઈનપુટના આધારે તેને ઝડપી લીધો છે.

લાંબા સમયથી મોસ્ટ વોન્ટેડ લિસ્ટમાં ચાલી રહેલા બન્ને આતંકીઓના પ્રત્યાર્પણ માટે ભારતીય એજન્સીઓ પ્રયાસ કરી રહી છે. અબૂ બકરનું પુરુ નામ અબૂ બકર અબ્દૂલ ગબ્દૂલ ગફૂર શેખ છે જે મહમ્મદ અને મુસ્તફા દૌસા સાથે સ્મગલિંગમાં સામેલ હતો. અબૂ બકર વિરુદ્ધ વર્ષ 1997માં રેડ કોર્નર નોટિસ જાહેર થઈ હતી.