નડિયાદ / 1500 કિલો સાકર અને 500 કિલો કોપરાની ઉછામણી, ગગનભેદી નાદ સાથે ઉજવાયો સંતરામ મહારાજનો 192મો સમાધિ મહોત્સવ

• સુપ્રસિદ્ધ સંતરામ મંદિરના લોકમેળાનો આજથી પ્રારંભ
• આવતીકાલે મંદિર પરિસરમાં દિવ્ય સારકવર્ષા કરવામાં આવી હતી
• પોલીસ દ્વારા ચુસ્ત બંદોબસ્ત ગોઠવવામાં આવ્યો

 નડિયાદમાં સંતરામ મંદિરમાં સંતરામ મહારાજનો 192મો સમાધિ મહોત્સવ ધામધૂમ અને ભકિતભાવ પૂર્વક ઉજવાઈ રહ્યો છે. પરંપરાના ભાગરૂપે દર વર્ષે માહપૂર્ણીમાના અવસરે દિવ્ય સાકરવર્ષા પ્રતિકરૂપે કરવામાં આવે છે.  મહાસુદ પૂનમે મંદિરના પરિસરમાં ઢળતી સંધ્યાએ પૂ. મહારાજના હસ્તે ઉતારવામાં આવતી દિવ્ય મહાઆરતીના દર્શન કરવા શહેર સહિત સમગ્ર જિલ્લાના ભાવિક ભકતજનો ઉમટી પડ્યા હતા.  આ આરતીબાદ જય મહારાજના ગગનભેદી નાદ સાથે મહારાજ તથા અન્ય શાખા મંદિરના મહંતોના હસ્તે દિવ્ય સાકરવર્ષા મહોત્સવ ઉજવાયો હતો.

1500 કીલો સાકર અને 500 કીલો કોપરાની ઉછામણી થોડીવારમાં કરવામાં આવશે

આજે મહાપૂર્ણિમાના દિવસે વહેલી સવારે 4:30 કલાકે ધ્યાન, તિલક દર્શન 4:45 કલાકે એ બાદ મંગળા દર્શન સવારે 5:45 કલાકે અને સાંજે 6 વાગ્યે દિવ્ય સાકરવર્ષા કરવામાં આવી હતી.  દિવ્ય અખંડ જ્યોત અને પાદુકાના દર્શન સવારે 5:45થી રાત્રે 8 વાગ્યા સુધી હતા તો લગભગ 1500 કીલો સાકર અને 500 કીલો કોપરાની ઉછામણી કરવામાં આવેલ હતી.  

લગભગ 1કીમી ઉપરાંતના રોડ પર આ લોકમેળો ગોઠવાયો
સંતરામ લોક મેળાનો આજથી પ્રારંભ થયો છે. નડિયાદ શહેરના બસ‌ સ્ટેન્ડથી પારસ સર્કલ સુધીનો લગભગ 1કીમી ઉપરાંતના રોડ પર આ લોકમેળો ગોઠવાયો છે. પાથરણાવાળાઓએ બંન્ને બાજુ રોડ પર બેસી ગયા છે. તો વિવિધ ખાણીપીણીના સ્ટોલ અને લારીઓએ આકર્ષણ જમાવ્યું છે. આ સાથે સાથે નાના બાળકોથી માંડીને મોટેરાઓ માટેની વિવિધ રાઈડ્સ પણ આવી ચૂકી છે. આ મેળો આગામી 4 દિવસ રહેશે. છેલ્લા 3 વર્ષના કોરોનાના કારણે મેળાની રંગત ન જામતા આ વર્ષે 5 દિવસ રસ્તો બંધ રાખવાનુ જાહેરનામું તંત્રએ બહાર પાડ્યું છે.

કેટલો પોલીસ બંદોબસ્ત તૈનાત રહેશે
આ લોકમેળામાં પોલીસ દ્વારા પણ ચુસ્ત બંદોબસ્ત ગોઠવવામાં આવ્યો છે. જેમાં 1 ડીવાયએસપી, 5 પીઆઈ, 24 પીએસઆઇ, 256 કોન્સ્ટેબલ, 45 મહિલા, 250 હોમગાર્ડ સહિતનો બંદોબસ્ત ગોઠવવામાં આવ્યો છે.