રિપોર્ટ / ગત બજેટ કરતા કૃષિમાં 191 કરોડ ઓછા, માર્ગ-મકાનને 985 કરોડ વધુ, જાણો તમામ વિભાગની ફાળવણી

• આત્મનિર્ભર અંદાજપત્ર : કૃષિ બજેટમાં કાપ 
• 2 લાખ 27 હજાર 29 કરોડનું કુલ બજેટ
• જાણો કયા વિભાગમાં કેટલી ફાળવણી?

ગુજરાતના નાયબ મુખ્યમંત્રી અને નાણામંત્રી નીતિન પટેલે વર્ષ 2021-22નું બજેટ રજૂ કર્યું છે અને આ વર્ષે કુલ 2 લાખ 27 હજાર 29 કરોડ ફાળવવામાં આવ્યા છે. આ પ્રસંગે નીતિન પટેલે જણાવ્યું હતું કે આ વખતનું બજેટ પાછલા બજેટ કરતા 10 હજાર કરોડથી વધારે છે.

નોંધનીય છે કે પાછલા બજેટ અને આ વખતના બજેટની સરખામણી કરીએ તો કૃષિ વિભાગમાં ગયા વર્ષે રૂપિયા 7423 કરોડની ફાળવણી કરવામાં આવી હતી. જ્યારે આ વર્ષે કૃષિ વિભાગમાં રૂપિય 7232 કરોડની જાગવાઇ કરવામાં આવી છે જે પાછલા બજેટ કરતા રૂપિયા 191 કરોડ ઓછું છે. નોંધનીય છે કે કૃષિ માટે કુલ મળીને 27 હજાર 232 કરોડની જોગવાઈ કરવામાં આવી છે. 

આ સિવાય જળ સંપત્તિ વિભાગમાં ગત વર્ષની સરખામણીમાં રૂપિયા 1726 કરોડ ઓછું ફાળવવામાં આવ્યું છે. શિક્ષણ વિભાગની વાત કરીએ તો ચાલુ વર્ષે શિક્ષણ વિભાગમાં રૂપિયા 764 કરોડ વધારે ફાળવાયા છે. ગત વર્ષે 31,955 કરોડ ફાળવાયા હતા જે ચાલુ વર્ષે વધારીને રૂપિયા 32,719 કરોડની ફાળવણી કરવામાં આવી છે.

આરોગ્ય વિભાગમાં ગત વર્ષની સરખામણીમાં ચાલુ વર્ષે રૂપિયા 80 કરોડ વધુ ફાળવાયા છે. ગત વર્ષે રૂપિયા 11,243 કરોડ ફાળવાયા હતા જે આ વર્ષે વધારીને રૂપિયા 11,323 કરોડની જોગવાઇ કરવામાં આવી છે. પાણી પુરવઠા વિભાગની વાત કરીએ તો ગત વર્ષની સાપેક્ષમાં ચાલુ વર્ષે રૂપિયા 343 કરોડની ઓછી ફાળવણી કરવામાં આવી છે. 

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

બજેટ રજૂ કરતાં પહેલા કોરોનાકાળમાં સરકારે કરેલા કામોના કર્યા વખાણ 

ગુજરાતના બજેટને રજૂ કરતાં પહેલા નીતિન પટેલે આજે કોરોનાકાળમાંઆ ગુજરાત સરકારે કરેલા કામ ગણાવ્યા હતા. નીતિન પટેલે કહ્યું કે રાજ્યના બધા જ જિલ્લાઑમાં વ્યવસથા ઊભી કરવામાં આવી. તેમણે કહ્યું કે કેટલાક રાજ્યોમાં તંબુઑ બાંધવા પડ્યા અને સ્ટેડિયમમાં દર્દીઑ રાખવા પડ્યા હતા પરંતુ ગુજરાતમાં ખૂબ મોટી વ્યવસ્થા ઊભી કરવામાં આવી અને તે બદલ વિજય રૂપાણીનો આભાર માનું છું. આવું સુંદર આયોજન આખા ભારતમાં માત્ર ગુજરાતમાં થયું છે. નીતિન પટેલે કહ્યું કે વડાપ્રધાન મોદીએ સતત માર્ગદર્શન આપ્યું હતું અને તેમાં તેમણે આયુર્વેદિક દવાઓ પર ભાર મૂક્યો હતો અને તે માટે અમે કરોડો લોકોને ઇમ્યુનિટી માટે પડીકી અને ઉકાળા આપ્યા. 

ઇતિહાસનું સૌથી મોટું બજેટ 

નાણામંત્રી નીતિન પટેલે 2021-22નું રજૂ કર્યું છે તે ઇતિહાસનું સૌથી મોટું બજેટ છે. નીતિન પટેલે કુલ 2 લાખ 27 હજાર 29 કરોડનું બજેટ રજૂ કર્યું છે જેમાં કૃષિ વિભાગ માટે 27 હજાર 232 કરોડ અને શિક્ષણ વિભાગ માટે 32 હજાર 719 કરોડની જોગવાઈ કરવામાં આવી છે. સાથે આરોગ્ય અને પરિવાર કલ્યાણ માટે 11 હજાર 323 કરોડ તથા મહિલા અને બાળ વિકાસ વિભાગ માટે 3 હજાર 511 કરોડ ની જોગવાઈ કરવામાં આવી છે.