રોગચાળો / વડોદરમાં 19 વર્ષીય નેશનલ પ્લેયર સાક્ષી રાવલનું ડેન્ગ્યૂથી મોત, પરિવારજનો તંત્ર સામે બેદરકારીનો આરોપ

• જુડોની આશાસ્પદ ખેલાડી સાક્ષી રાવલનું મોત
• વડોદરામાં રહેતી સાક્ષી રાવલનું ડેન્ગ્યુથી મૃત્યુ
• સાક્ષી રાવલના મૃત્યુથી પરિવારજનોમાં શોક

ચોમાસાની સિઝનમાં રોગચોળો વકરતા ડેન્ડગ્યું, મેલેરિયા સહિતની અનેક કેસમાં વધારો થયો હયો છે ત્યારે વડોદરામાં ડેન્ગ્યુને કારણે જુડોની આશાસ્પદ ખેલાડી સાક્ષી રાવલનું મોત નિપજ્યું છે. જો વાત કરવામાં આવે તો આજવા રોડ પર રહેતી સાક્ષી રાવલ નેશનલ પ્લેયર હતી જેણે વર્ષ 2019માં ઝારખંડ ખાતે યોજાયેલી જુડોની સુરાશ કોમ્પિટિશનમાં બ્રોન્ઝ મેડલ મેળવ્યો હતો.

આજવા રોડ પર રહેતી સાક્ષી રાવલનું ડેન્ગ્યુથી મૃત્યુ

વડોદરામાં ફેલાયેલા મચ્છર જન્ય રોગચાળો વકરતા નેશનલ ખેલાડી સાક્ષી રાવલને ડેન્ગ્યુ થયો હતો જેની સારવાર હોસ્પિટલમાં ચાલી રહી હતી પરતું તંત્ર અને આરોગ્યની બેદરકારીને કારણે સાક્ષીનો ભોગ લેવાયો હોય તેવો પરિવારજનોએ આક્ષેપ કર્યો છે. 
 

સાક્ષી રાવલના મૃત્યુથી પરિવારજનોમાં શોકનો માહોલ

સાક્ષીનું ડેન્ગ્યૂને કારણે મોત થતા પરિવારજનો  સારવારમાં બેદરકારીનો રખાયાનો આરોપ લગાવી રહ્યા છે. ડેન્ગ્યૂ થયો હોવા છતા ટાઈફોઈડની સારવાર ચાલુ રાખી હોવાનો પરિવારજનો આક્ષેપ લગાવી રહ્યા છે. પરિવારજનોએ વારસિયા રિંગ રોડ ઉપરની ખાનગી ક્લિનીક તેમજ સંગમ હોસ્પિટલ ઉપર આરોપ લગાવ્યો છે. સાક્ષીના મૃત્યુંથી પરિવારજનોમાં શોકનો માહોલ વ્યાપી ગયો છે.