લાચારી / ઍમ્બ્યુલન્સ-ઑક્સીજન ન મળ્યો, વહાલસોઈ દીકરીના શબને બાઇક પર લઈને પરત આવ્યો મજબૂર પિતા

• ઉત્તર પ્રદેશમાં આરોગ્ય તંત્રની લાચારી 
• 19 વર્ષની દીકરીને ન મળી યોગ્ય સારવાર 
• ઍમ્બ્યુલન્સ અને હોસ્પિટલમાં ઑક્સીજન પણ ન મળ્યો 

ઉત્તર પ્રદેશના ફિરોઝાબાદમાં 19 વર્ષની દીકરી શ્વાસ ન આવવાના કારણે દમ તોડી દીધો. ગંભીર હાલતમાં પિતા પોતાની દીકરીને બાઇક પર જ લઈને ટ્રોમા સેન્ટર પહોંચ્યા હતા પરંતુ ટ્રોમા સેન્ટરમાં ઑક્સીજન જ નોહતો, દીકરીને દાખલ કરવામાં ન આવી અને તેની મોત થઈ ગઈ. 

દીકરીને બચાવવા ખૂબ પ્રયાસ કરવામાં આવ્યા 

નિસહાય પિતાએ રડતાં રડતાં કહ્યું કે સારવાર થઈ શકતી નથી અને ઑક્સીજન નથી મળી રહ્યો અને ડૉક્ટરોએ દીકરીને જોતાં જ તેને મૃત જાહેર કરી દીધી, પિતાએ મીડિયાને કહ્યું કે કેટલીય વાર કહ્યું છતાં ઍમ્બ્યુલન્સ આપવામાં ન આવી. 

આરોગ્ય તંત્રની લાચારી 

વ્હાલસોયી દીકરીને ગુમાવનાર પરિવારમાં માતમનો માહોલ છે અને સમગ્ર વિસ્તારમાં લોકોમાં તંત્ર સામે ભયંકર રોષ છે. ફિરોઝાબાદમાં આરોગ્ય વ્યવસ્થા યોગી રાજમાં એવી છે કે 19 વર્ષની દીકરીએ ઑક્સીજન વગર પોતાનો જીવ ત્યાગવો પડ્યો. 

શ્વાસમાં તકલીફ થતાં દીકરીનું મોત 

મીડિયા અહેવાલ અનુસાર દીકરીનો કોવિડ ટેસ્ટ નહોતો થયો પરંતુ તેને શ્વાસ લેવામાં ખૂબ તકલીફ પડી રહી હતી. તબિયત અચાનક જ ખૂબ થઈ ગઈ અને ઍમ્બ્યુલન્સને બોલાવવા માટે પ્રયાસ કરવામાં આવ્યા અને મદદ ન મળતા બાઇકથી જ દીકરીને હોસ્પિટલ પહોંચાડવામાં આવી. 

બાઇક પર જ શબને પરત લઈને આવ્યો પિતા 

હોસ્પિટલમાં ડૉક્ટરોએ જણાવ્યું કે અહિયાં ઑક્સીજન જ નથી અને આ દરમિયાન જ દીકરીએ આંખો મીચી લીધી અને દીકરીને બચાવી ન શકનાર પિતા વલોપાત કરવા લાગ્યા. મજબૂર પિતા દીકરીના શબને બાઇક પર જ લઈને ઘરે પહોંચ્યો.