રેવાડી: હરિયાણાના મહેન્દ્રગઢ જિલ્લામાં 19 વર્ષીય યુવતીનું અપહરણ બાદ ગેંગરેપનો આરોપનો સામે આવ્યો છે. 12 લોકોએ આ યુવતી પર ગેંગરેપ આચર્યો હોવાનો આરોપ છે. યુવતી કોલેજમાં અભ્યાસ કરે છે અને CBSE ટોપર રહી ચૂકી છે. રાષ્ટ્રપતિ દ્વારા યુવતીનું સમ્માન પણ કરવામાં આવ્યું હતું.
પ્રાપ્ત વિગતો મુજબ યુવતી ઘરેથી કોચિંગ ક્લાસ માટે નીકળી હતી. ત્યારે બસ સ્ટેશન નજીક તેના જ ગામના રહેનારા ત્રણ યુવકે કારમાં લિફ્ટ આપી હતી. બાદમાં યુવતીને પાણી પીવાનું કહેતા યુવતીએ પાણી પીધું હતું. પણ તેને ખબર નહોતી કે પાણીમાં નશીલો પદાર્થ મિલાવેલો હતો. પીડિતાની માતાનું કહેવું છે કે તેમના ઘરે કેટલાંક લોકો આવ્યા હતા અને જાનથી મારી નાખવાની પણ ધમકી આપી છે.
મળતી માહિતી અનુસાર પંકજ મનીષ અને નીસુ નામના ત્રણ યુવકોએ યુવતીનું અપહરણ કર્યું હતુ અને એક ખેતરમાં લઈ જઈ ગેંગરેપ આચર્યો હતો. જ્યાં પહેલેથી જ અન્ય યુવકો હાજર હતા. જેઓએ નશાની હાલતમાં ગેંગરેપ આચર્યા બાદ યુવતીને બસ સ્ટેશન પર છોડીને ફરાર થઈ ગયા. જેમાંથી એક યુવકે પીડિતના પરિવારને ઘટનાની જાણ કરી હતી. બાદમાં પરિવારે ઘટનાની જાણ પોલીસને કરી હતી.