છત્તીસગઢના મહાસમૂંદ જિલ્લામાં છેલ્લા એક અઠવાડિયાથી 19 હાથીનું ટોળું વિચરણ કરી રહ્યું છે. જો કે, આ ઘટનાને પગલે વન વિભાગની ચિંતામાં વધારો થયો કારણ કે, જ્યારે હાથીનું આ ટોળું સોમવારે મહાસમુંદ શહેરની નજીક પહોંચી ગયું. હાથીનું ટોળું રસ્તા પર ચડી આવતા સ્થાનિકો જોવા ઉમટી પડ્યા હતા.
કોરોનાને લઇને લાગૂ કરેલ લૉકડાઉન ફળ્યું
છત્તીસગઢના રહેણાંક વિસ્તારમાં આવી ચડ્યું હાથીનુંં ટોળું
મહાસમુંદમાં નયા માર્કેટની પાછળ એક વૃદ્ધ મહિલાનો સામનો હાથી સામે થયો હતો. હાથીએ મહિલાને ઈજા પહોંચાડી હતી. ઇજાગ્રસ્ત મહિલાને સારવાર માટે જિલ્લા હોસ્પિટલમાં દાખલ કરવામાં આવી છે. કહેવામાં આવી રહ્યું છે કે ગયા અઠવાડિયે હાથી ગ્રામીણ વિસ્તારમાં જોવા મળ્યા હતા.
ગારિયાબંદ અને મહાસમુંદના સરહદી વિસ્તારોમાં તેમનું આ ટોળું જોવા મળ્યું હતું. આ કારણે બંને જિલ્લાની વન વિભાગની ટીમ તેમનું નિરીક્ષણ કરી રહી હતી. આજે અચાનક આ હાથીઓ શહેર તરફ આવી ચઢતા વન વિભાગની ચિંતામાં વધારો થયો હતો.
વન વિભાગે ગ્રામજનોને કર્યા એલર્ટ
મહાસમુંદ વન વિભાગના રેંજર મોહનદાસ માનિકપુરીનું કહેવું છે કે, હાથીઓને જંગલની અંદર ફરી મોકલવા માટે વન વિભાગ અને પોલીસ જવાન કામ કરી રહ્યા છે. હાથનું આ ટોળું ગૌરખેડાના જંગલમાં છે. લાફિનકલા અને ચિંગરૌદ વચ્ચે સીતાફલ કછારમાં તેમનો પ્રથમ પડાવ હતો. હવે વહીવટી તંત્રની ટીમ મુવમેન્ટના આધારે ગામના લોકોને એલર્ટ કરી રહી છે. આ સાથે લોકોને ઘરમાં રહેવાની સલાહ આપવામાં આવી રહી છે.