સેન્ટ્રલ મેક્સિકોમાં શુક્રવારે એક મોટી દુર્ઘટના સર્જાઈ હતી, જેમાં બસ અથડાતાં 19 લોકોના મોત થયા હતા અને 32 લોકો ઘાયલ થયા હતા.
સેન્ટ્રલ મેક્સિકોમાં શુક્રવારે એક મોટી દુર્ઘટના સર્જાઈ
બસની બ્રેક ફેઈલ થઈ જતાં ઈમારત સાથે અથડાઈ હતી
બસ અકસ્માતમાં 19 લોકોના મોત નીપજ્યાં
બસની બ્રેક ફેઈલ થઈ જતાં ઈમારત સાથે અથડાઈ હતી
સેન્ટ્રલ મેક્સિકોમાં તીર્થયાત્રા માટે લોકોને લઈ જતી બસ સાથે અકસ્માત સર્જાયો છે. જેમાં 19 લોકોના મોત થયા હતા, જ્યારે 32 લોકો ગંભીર રીતે ઘાયલ થયા હતા. મળતી માહિતી મુજબ શુક્રવારે તમામ મુસાફરો ધાર્મિક સ્થળ ચલમા ખાતે દર્શન માટે જઈ રહ્યા હતા. આ દરમિયાન સ્પીડમાં આવતી બસ એક ઈમારત સાથે અથડાઈ હતી. ટક્કર એટલી જોરદાર હતી કે તેનો પડઘો ચારે બાજુ સંભળાતો હતો.
બસ અકસ્માતમાં 19 લોકોના મોત નીપજ્યાં
સેન્ટ્રલ મેક્સિકોમાં શુક્રવારે એક મોટી દુર્ઘટના સર્જાઈ હતી, જેમાં બસ અથડાતાં 19 લોકોના મોત થયા હતા અને 32 લોકો ઘાયલ થયા હતા. બસ શ્રદ્ધાળુઓથી ભરેલી હતી અને તેઓને ધાર્મિક સ્થળ પર લઈ જઈ રહી હતી. પરંતુ, તે રસ્તામાં અકસ્માતનો શિકાર બની છે. રાજ્યના અધિકારીઓએ જણાવ્યું હતું કે બસની બ્રેક ફેઈલ થઈ ગઈ હતી અને તે એક ઈમારત સાથે અથડાઈ હતી.
બસમાં સવાર છ લોકો ગંભીર રીતે ઘાયલ
બસમાં સવાર છ લોકો, જેઓ ગંભીર રીતે ઘાયલ થયા હતા, તેમને રાજ્યની રાજધાની ટોલુકાની હોસ્પિટલમાં લઈ જવામાં આવ્યા હતા. રાજ્યના આસિસ્ટન્ટ ઇન્ટિરિયર સેક્રેટરી રિકાર્ડો ડે લા ક્રુઝે જણાવ્યું હતું કે આ દુર્ઘટના મેક્સિકો સિટીના દક્ષિણ પશ્ચિમમાં આવેલા જોક્વિસિન્ગો શહેરમાં બની હતી. બસ પશ્ચિમી રાજ્ય મિકોઆકાનથી ચાલમા જઈ રહી હતી. આ એક એવું શહેર છે જેની સદીઓથી રોમન કેથોલિક યાત્રાળુઓ મુલાકાત લેતા આવ્યા છે. તમને જણાવી દઈએ કે ચલમા 1521ના વિજય પહેલા પ્રી-હિસ્પેનિક સમયમાં એક પવિત્ર સ્થળ હતું. આસ્થાવાનો કહે છે કે સ્પેનિયાર્ડ્સના આગમન પછી, એક ક્રોસ ચમત્કારિક રીતે અહીં એક એઝટેક દેવને સમર્પિત ગુફામાં દેખાયો, જે ચાલમાને ખ્રિસ્તી તીર્થસ્થાન બનાવે છે.