સંઘ પ્રદેશ દમણમાં વર્ષ 2003માં પૂલ દુર્ઘટનામાં આજે દમણ કોર્ટે 3 આરોપીઓને સજા સંભળાવી છે.
સંઘ પ્રદેશ દમણની પૂલ દુર્ઘટનો ફેસલો
દમણ કોર્ટે સંભળાવી 3 આરોપીઓને સજા
18 વર્ષ પછી આવ્યો ચુકાદો
18 વર્ષ પહેલા સંઘ પ્રદેશ દમણમાં 2003ના રોજ એક પૂલ દુર્ઘટના ઘટી હતી. જેમાં સ્કૂલના 28 બાળકો, એક શિક્ષક અને એક રાહદારી સહિત 30 લોકોના મોત થયાં હતાં. જે મામલે આજે દમણ કોર્ટે ચુકાદો આપી 3 આરોપીઓને 2 વર્ષની સજા ફટકારી હતી.
સમગ્ર ઘટના મામલે 18 વર્ષ પછી આવ્યો ચુકાદો
સંઘ પ્રદેશ દમણમાં વર્ષ 2003માં પૂલ દુર્ઘટના મામલો આજે દમણ કોર્ટે સંભળાવી હતી.જેમાંથી 7 માંથી 3 દોષિતોને 2 વર્ષની સજા ફટકારી રૂપિયા 16,500 નો દંડ ફટકારવામાં આવ્યો છે. જેમાં તે સમયના એક્ઝિક્યુટિવ ઇજનેર ભરત ગુપ્તા, ધીરુભાઈ પ્રભાકર અને આઇ.એલ. તડેકરને દમણ કોર્ટના જજે સજા સંભળાવી હતી. ઉલ્લેખનીય છે કે, પૂલ ધરાશાઈ થવાના લાગેલા આરોપમાં 7 અધિકારી પૈકી 1 નું થયું મોત હતું. જ્યારે 2 અધિકારીઓને હાઈકોર્ટે ડીસચાર્જ કર્યા હતાં.જ્યારે બી.સી. મોદી સામે આરોપ પુરવાર ન થતાં કોર્ટે બરી કર્યા હતાં.
શું હતો સમગ્ર મામલો ?
28 ઓગષ્ટ 2003ના રોજ દમણમાં પૂલ દુર્ઘટના ઘટી હતી. સ્કૂલના 28 બાળકો 1 શિક્ષક અને એક રાહદારી મળી 30 લોકોનું પાણીમાં ડૂબવાથી મોત થયાં હતાં. આ પૂલ જર્જરીત અવસ્થામાં હતો તેમ છતાં પીડબલ્યુડીના આધિકારીઓએ ગંભીરતા ન સમજી અને નજર અંદાજ કરવાનું કાર્ય કર્યું જેના પગલે આ કરૂણ હોનારત સર્જાઇ હતી.