અભ્યાસ / ડોનાલ્ડ ટ્રમ્પની 18 રેલીઓમાં 30 હજારથી વધુ લોકો કોરોના સંક્રમિત, 700થી વધુના મોત નીપજ્યા, સ્ટેન્ફર્ડ યુનિ.નો ખુલાસો

આ ચોંકાવનારો ખુલાસો સ્ટેન્ફર્ડ યુનિવર્સીટીના રિસર્ચમાં કરવામાં આવ્યો છે. આમ ડોનાલ્ડ ટ્રમ્પની રેલીઓની અમેરિકનોએ મોટી કિંમત ચૂકવવી પડી છે અને હાજર લોકોએ કોરોના સંક્રમણનો ભોગ બન્યા છે. 

આ સર્વેમાં તારીખ 20 જૂનથી 22 સપ્ટેમ્બર સુધીની ડોનાલ્ડ ટ્રમ્પની 18 રેલીઓનો અભ્યાસ કરવામાં આવ્યો છે અને એવું તારણ કાઢવામાં આવ્યું છે કે આ રેલીઓમાં લોકો ભેગા થવાના પગલે 30,000થી વધુ કોરોનાના કેસ અને 700થી વધુ કોરોનાના કેસ નોંધાયા છે. 

આ સર્વે ઉપરથી એ પણ તારણ કાઢવામાં આવ્યું છે કે જયારે મોટી સંખ્યામાં લોકો એક જગ્યાએ ઉમટે છે અને તેમાં પણ માસ્ક અને સોશ્યલ ડિસ્ટન્સિંગ જળવાતું નથી ત્યારે કોરોનાના કેસમાં ઉછાળો નોંધાય છે. 

આ મુદ્દે અમેરિકાના ડેમોક્રેટિક પાર્ટીના ઉમેદવાર જોઈ બાયડને ટ્વીટ કરીને કહ્યું હતું કે "ડોનાલ્ડ ટ્રમ્પને તમારી કોઈ પરવા નથી. તેમને તો પોતાના સમર્થકોની પણ કોઈ ચિંતા નથી."

President Trump doesn’t care about you. He doesn’t even care about his own supporters. https://t.co/HUbImXyRtY

— Joe Biden (@JoeBiden) November 1, 2020

નોંધનીય છે કે અમેરિકામાં વિશ્વના સૌથી વધુ 90 લાખથી વધુ કોરોનાના કેસ નોંધાઈ ચુક્યા છે.