કેન્દ્ર સરકારના કર્મચારીઓનું વર્ષ 2020થી અટકેલુ 18 મહિનાનું ડીએ એરિયર હવે નહીં મળે. કોવિડ 19 સંક્રમણના ટાઈમથી રોકાયેલુ મોંઘવારી ભથ્થા અંતર્ગત ત્રણ હપ્તાના પૈસા નહીં આપવામાં આવે.
કેન્દ્ર સરકારના કર્મચારીઓને મોટો ઝટકો
18 મહિનાથી અટવાયેલું ડીએ નહીં મળે
સરકારે કર્મચારીઓને આપ્યો મોટો ઝટકો
કેન્દ્ર સરકારના કર્મચારીઓનું વર્ષ 2020થી અટકેલુ 18 મહિનાનું ડીએ એરિયર હવે નહીં મળે. કોવિડ 19 સંક્રમણના ટાઈમથી રોકાયેલુ મોંઘવારી ભથ્થા અંતર્ગત ત્રણ હપ્તાના પૈસા નહીં આપવામાં આવે. ત્યારે આવા સમયે 18 મહિનાનું ડીએ એરિયરની રાહ જોઈ રહેલા કર્મચારીઓને મોટો ઝટકો લાગ્યો છે.
ડીએ એરિયર આપવાની ના પાડી દીધી
એક રિપોર્ટમાં જણાવ્યા અનુસાર કેન્દ્ર સરકારે સ્પષ્ટ કરી દીધું છે કે, જાન્યુઆરી 2020થી જૂન 2021 સુધી રોકાયેલા ડીએ એરિયર નહીં આપવામા આવે. અહીં ઉલ્લેખનીય છે કે, આ એરિયર કોરોના મહામારીના કારણે મોંઘવારી ભથ્થાને ફ્રીઝ કરવાના સમયનું છે.
3 હપ્તા આપવાની ના પાડી દીધી
કેન્દ્ર સરકારે સ્પષ્ટ કરી દીધું છે કે, એરિયર આપવા પર કોઈ વિચાર નથી. નાણામંત્રાલયે પેન્શનધારકોને તાત્કાલિક રાહત કાર્ય માટે કોવિડ 19 મહામારીના સમયથી રોકવામા આવેલી મોંઘવારી ભથ્થાના 3 હપ્તા આપવાની માગને ફગાવી દીધી છે.
એક અનુમાન મુજબ કેન્દ્ર સરકારે પેન્સનર્સ અને કર્મચારીઓ માટે ડીએ અને ડીએનું કુલ એરિયર 34 હજાર કરોડ રૂપિયા થાય છે. પેન્શન નિયમોની સમીક્ષા માટે સ્વેચ્છિક એજન્સીઓની સ્થાયી સમિતિની 32 મી બેઠકમાં વ્યય વિભાગના એક પ્રતિનિધિએ સ્પષ્ટ કર્યું છે કે, પાછલા ડીએ અને ડીએ એરિયરની રકમ આપવામાં આવશે નહીં. DOI કેન્દ્રીય નાણામંત્રાલયની જ એક બ્રાંચ છે.