આંદોલન / 17000 સફાઈકર્મીઓ હડતાળ પર, માંગો પૂરી નહીં થાય તો ઉગ્રઆંદોલનની ચીમકી

• અમદાવાદ 17 હજાર સફાઇકર્મીઓ કામકાજથી અળગા
• બોડકદેવ ઓફિસ ખાતે સફાઈકર્મીઓ થયા એકઠા
• અચોક્કસ મુદ્દતની હડતાળની ચીમકી

અમદાવાદના 17 હજાર સફાઇકર્મીઓ કામકાજથી અળગા રહ્યાં હતા. AMC ઓફિસમાં પડતર પ્રશ્નોને લઇ ગઇકાલે દેખાવ કર્યા હતા. એક સફાઇકર્મીએ દવા પી આપઘાતનો પ્રયાસ કર્યો હતો. નવા પશ્ચિમ ઝોનમાં કર્મીઓને વારસાઇનો હક આપવા માંગ કરવામાં આવી રહી છે. બોડકદેવ ઓફિસ ખાતે સફાઈકર્મીઓ એકઠા થયા હતા. 6200 કર્મીઓ ઝોનમાં ફરજ બજાવે છે. માંગ નહી સંતોષાય તો અચોક્કસ મુદ્દતની હડતાળની ચીમકી ઉચ્ચારી હતી. 

એક સફાઈકર્મીએ ઝેરી દવા પી લીધી

આજે માગ નહિ સંતોષાય તો અચોક્કસ મુદતની હડતાળની ચીમકી પણ ઉચ્ચારવામાં આવી છે. આજે સવારથી સફાઈકર્મીઓ બોડકદેવ ખાતે આવેલી ઉત્તરપશ્ચિમ ઝોનની ઓફિસે ભેગા થયા છે. બુધવારે સાંજે બોડકદેવ ઓફિસે પણ સફાઈકર્મીઓ રજૂઆત કરવા ગયા હતા ત્યારે એક સફાઈકર્મીએ ઝેરી દવા પી લીધી હતી, જેથી તેને સારવાર માટે સોલા સિવિલ હોસ્પિટલમાં મોકલી આપ્યો હતો.