માનવતા મરી પરવારી / 17 વર્ષીય યુવતિ પ્રેગ્નેટ થઈ, અડધે રસ્તે ડીલીવરી થઈ તો નવજાતને રસ્તા પર ફેંકી દીધું, છોકરીની માતાની ધરપકડ થઈ

• રાજસ્થાનના બાડમેરમાં બાળ લગ્નનો કિસ્સો આવ્યો પ્રકાશમાં
• બાળકી પ્રેગ્નેટ  થતા સમગ્ર કિસ્સો પ્રકાશમાં આવ્યો
• ગાડીમાં જ થઈ બાળકીની ડિલીવરી
• ડિલીવરી બાદ નવજાત શિશુંને રોડ પર ત્યજી માં-દિકરી ફરાર થયા
• પોલીસે બંનેને શોધી  કાયદેસરની કાર્યવાહિ હાથ ધરી છે

 રાજસ્થાનના બાડમેરમાં થોડાક દિવસ પહેલા ગ્રામીણ વિસ્તારમાં રસ્તાની બાજુમાં એક નવજાત બાળકી મળી આવી હતી. ગ્રામજનોએ નવજાત બાળકીને દેખીને તરત પોલીસને સૂચના આપી અને પોલીસની મદદથી તેને હોસ્પિટલમાં દાખલ કરવામાં આવી. પોલીસે આ મામલે તરત જ બાળકીને જન્મ આપનાર સગીર છોકરીની અટકાયત કરી છે. અને યુવતીની માતાની પણ પોલીસે ધરપકડ કરી છે. પોલીસ આ બનાવમાં અનેક લોકોની પૂછપરછ કરી રહી છે.

17 વર્ષીય સગીર છોકરીએ બાળકીને જન્મ આપ્યો

જાણવા મળતી માહિતી મુજબ 20 ઓક્ટોમ્બરના રોજ ધોરીમના વિસ્તારમાં રસ્તાની બાજુમાં એક નવજાત બાળકી રોતી હાલતમાં મળી આવી હતી. ત્યારે આસપાસના લોકોએ પોલીસને આ બાબાતે જાણ કરતા પોલીસે નવજાત શિશુંને હોસ્પિટલમાં દાખલ કરાવ્યું હતું. પોલીસે આ મામલે તપાસ શરુ કરતા જાણવા મળ્યું કે 17 વર્ષીય સગીર છોકરીએ આ બાળકીને જન્મ આપ્યો હોવાનું જાણવા મળ્યું હતું.

ત્યાર બાદ છોકરીના પરિવારજનો નવજાત બાળકીને રોડની સાઈડમાં છોડી દીધી હતી. આ મામલામાં પોલીસે નવજાત બાળકીની માતાને પોલીસ કસ્ટડીમાં રાખવામાં આવી છે. જ્યારે પોલીસે સગીરની માતાની ધરપકડ કરી છે. તેમજ એક ડ્રાયવર અને એક નર્સની પણ પૂછપરછ હાલમાં ચાલી રહી હોવાનું જાણવા મળી રહ્યું છે.

તપાસ અધિકારી શું કહે છે

તપાસ અધિકારીએ જણાવ્યું કે સગીર બાળકીની નાની ઉંમરમાં જ લગ્ન થઈ ગયા હતા. તે તેના સાસરે રહેતી હતી. તે દરમ્યાન જ તે  9 માસ બાદ પ્રેગ્નેટ થઈ ગઈ.  જ્યારે સગીર યુવતિને પેટમાં દુઃખાવો શરુ થઈ ગયો તો ભાડેથી ગાડી કરીને તેઓ સાંચોર ગયા.
તે  દરમ્યાન જ રસ્તામાં સગીર છોકરીએ બાળકીને જન્મ આપ્યો હતો.  બાળકીના જન્મ બાદ સગીર યુવતિ અને તેની માતા બાળકીને રોડની સાઈડમાં ફેંકી દીધી હતી. આ મામલાને લઈને પોલીસે ગાડી ચાલક તેમજ નર્સ બંનેની પૂછપરછ હાથ ધરી છે. પોલીસે સગીર છોકરી તેમજ નવજાત બાળકીનો ડીએનએ ટેસ્ટ કરાવાવની તજવીજ હાથ ધરી છે.