બ્રિટન / સારા સમાચાર; લંડનમાં અધધ આટલા લોકોને કોરોના સામેનો એન્ટિબોડી ટેસ્ટ પોઝિટિવ આવ્યો

બ્રિટનમાં ૨૪ કલાકમાં ૩૩૮ લોકોએ પોતાનો જીવ ગુમાવ્યો

તેમણે કહ્યું કે, બ્રિટન સરકારે ફાર્માસ્યુટિકલ કંપની રોશે અને એબોટ સાથે ડીલ સાઈન કરી છે, જે અંતર્ગત એક કરોડ લોકોનો એન્ટિબોડી ટેસ્ટ કરવામાં આવશે. બાંગ્લાદેશમાં છેલ્લા ૨૪ કલાકમાં જ કોરોનાના ચેપના રેકોર્ડ ૧,૭૭૩ કેસ સામે આવ્યા છે. અહીં ચેપગ્રસ્ત લોકોની કુલ સંખ્યા ૨૮,૫૧૧ થઈ ગઈ છે.

અમેરિકાને હવે કાયમી બંધ નહીં કરાય: ડોનાલ્ડ ટ્રમ્પ

અમેરિકાના પ્રમુખ ડોનાલ્ડ ટ્રમ્પે કહ્યું છે કે, કોરોના વાઈરસનો બીજો તબક્કો આવશે તો પણ અમેરિકાને શટડાઉન (બંધ) કરવામાં આવશે નહીં. સ્વસ્થ રાજ્ય માટે કાયમી લોકડાઉનએ અમારી રણનીતિ રહી જ નથી. દેશને બંધ કરવાનો અમારો કોઈ વિચાર પણ નથી. ક્યારેય ખતમ ન થનારું લોકડાઉન એક જાહેર સ્વાસ્થ્યના જોખમને આમંત્રણ આપે છે. અમારા લોકોના સ્વાસ્થ્યના રક્ષણ માટે પણ અર્થવ્યવસ્થાને ખોલવી જ પડશે.

ઉલ્લેખનીય છે કે, અમેરિકામાં અત્યાર સુધીમાં ૧૬.૨૧ લાખ પોઝિટિવ કેસ નોંધાયા છે. જેમાંથી ૯૬,૩૫૪ લોકોનાં મોત થયા છે. અત્યાર સુધીમાં ૩.૮૨ લાખ લોકોને સારવાર બાદ રજા પણ અપાઈ છે.

બ્રાઝીલમાં એક દિવસમાં ૧,૧૮૮ લોકોનાં મોત સાથે મૃત્યુઆંક ૨૦ હજારને પાર

બ્રાઝીલમાં એક જ દિવસમાં અત્યાર સુધીનો સૌથી વધુ મૃત્યુઆંક નોંધાયો છે. ૧,૧૮૮ લોકોનાં મોત સાથે કુલ મૃત્યુઆંક વધીને હવે ૨૦ હજારને પાર થઈ ગયો છે. અહીં કુલ ૩.૧૧ લાખ પોઝિટિવ કેસ નોંધાયા છે.

સ્પેનમાં લોકડાઉન લંબાવવા સામે ઉગ્ર પ્રદર્શન

સ્પેનમાં કોરોના મહામારીના કારણે સતત લંબાવાઈ રહેલા લોકડાઉનનો ઉગ્ર વિરોધ કરવા માટે હવે લોકો રસ્તા પર ઉતર્યા છે. સ્પેનના વડા પ્રધાન પેડ્રો સાંચેઝે આગામી બે અઠવાડિયા સુધી લોકડાઉન લંબાવાની જાહેરાત કરી છે. તેમણે સંસદમાં આ પ્રસ્તાવને મંજૂર કરાવી દીધો છે. મેડ્રિડમાં લોકડાઉનથી નારાજ થયેલા લોકોએ દેશના રાષ્ટ્રધ્વજ સાથે શેરીઓમાં રેલીઓ કાઢી હતી. લોકોએ વાસણો વગાડીને ઉગ્ર વિરોધ પણ કર્યો હતો.

બ્રિટનમાં સરકારી આંકડાઓ કરતા વધારે મૃત્યુ થયાનો દાવો

બ્રિટનમાં છેલ્લા ૨૪ કલાકમાં જ વધુ ૩૩૮ લોકોએ જીવ ગુમાવ્યો છે. બ્રિટનમાં અત્યાર સુધીમાં ૨.૫ લાખથી વધુ ચેપના કેસ નોંધાયા છે. બીજી તરફ, સરકારી ડેટા અનુસાર, ૩૬ હજારથી વધુ લોકોએ જીવ ગુમાવ્યા છે. જોકે, મોતનો સાચો આંકડો ઘણો વધારે હોઈ શકે છે. ઓફિસ ફોર નેશનલ સ્ટેટિક્સે અહેવાલ આપ્યો છે કે, ૮ મેની શરૂઆતમાં ૪૧ હજારથી વધુ લોકોનાં મૃત્યુ થઈ ચુક્યા છે. અત્યાર સુધીમાં લગભગ ૫૪ હજાર લોકોએ પોતાનો જીવ ગુમાવ્યો હોવાની આશંકા છે.